Friday, January 21, 2011
Artin Arakelian
Հոլանդական «Radio Netherlands» ռադիոկայանի հաղորդմամբ, Հոլանդիայի քաղաքացի Զահրա (Սառա) Բահրամին, որը ձերբակալվեր էր Իրանի նախագահական վերջին ընտրություններից հետո՝ Աշուրա օրվա ընթացքում բողոքի ցույցերի ժամանակ, իրանական դատարանի կողմից մահապատժի է դատապարտվել: Դատարանի հայտարարության մեջ նշվում է, որ Բահրամին մեղադրվում է 400 գրամ ափիոն և 400 գրամ հերոյին տեսակների թմրանյութեր պահելու համար, և որովհետև, համաձայն իրանական օրենքի, 30 գրամ հերոյին տեսակի թմրանյութ ունենցող անհատը մահապատժի է դատապարտվում, Իրանի դատարանն էլ նման վճիռ է կայացրել հոլանդացի Զահրա Բահրամիի համար:
Բահրամիի փաստաբանի փոխանցմամբ, նա հերքել է թմրանյութ պահելու և օգտագործելու մեղադրանքները:
Բողոքի ցույցերին մասնակցելու պատճառով Զահրա Բահրամիին առաջադրվել է նաև երկրի ազգային անվտանգությունը խափանելու մեղադրանք:
Այդ առնչությամբ Հոլանդիայի ԱԳ նախարար Օրի Ռոզնթհալը Հոլանդիայում Իրանի դեսպանատնից պահանջել է պարզաբանումներ ներկայացնել իր երկրի քաղաքացու ճակատագրի մասին:
Արթին Առաքելյան
«Առաջին» Լրատվական
0 Պատգամ:
Post a Comment