Monday, January 24, 2011
Artin Arakelian
Իրանական Tehran Emrooz օրաթերթը հունվարի 24-ի համարում տեղեկացնում է, որ Թեհրանի քաղաքապետի օգնական Ալի Ռեզա Դաբիրը քաղաքապետի մրցանակը ստանալու նպատակով մեկնել է ԱՄՆ:
Նախօրեին Իրանի ԱԳՆ-ն Թեհրանի քաղաքապետին արգելել էր տրանսպորտի զարգացման միջազգային կազմակերպության կողմից Թեհրանին շնորհված «Հանրային տրանսպորտի» մրցանակը ստանալու համար մեկնել ԱՄՆ:
Թեհրանի քաղխորհրդի խոսնակ Խոսրո Դանեշջուն լրագրողներին հայտնել է, որ Թեհրանի քաղխորհրդի ղեկավար անձնակազմի անդամ և քաղաքապետի օգնական Ալի Ռեզա Դաբիրը միջազգային մրցանակը ստանալու համար արդեն Վաշինգտոնում է:
Թե ինչո՞ւ ԱԳՆ-ն Թեհրանի քաղաքապետին արգելեց Վաշինգտոն մեկնել, այն դեպքում, երբ երկրի նախագահը արդեն երեք անգամ մեկնել է ԱՄՆ, դեռ պարզ չէ, բայց որոշ մեկնաբաններ այն կարծիքին են, որ Իրանի նախագահը, քաղաքապետ Մուհամեդբաղեր Ղալիբաֆին իր հիմնական մրցակիցներից համարելով, փորձում է ամեն կերպ սահմանափակել նրա արտաքին շփումները, այն էլ՝ ԱՄՆ նման երկրի հետ:
Արթին Առաքելյան
«Առաջին» Լրատվական
0 Պատգամ:
Post a Comment