Monday, January 24, 2011
Artin Arakelian
Ինչպես Իրանի նախագահի խորհրդարանական հարցերով օգնական Միր Թաջոլդինն է հայտնել իրանական Nasim Online լրատվականին, այս շաբաթվա ընթացքում նախագահ Ահմադինեժադը ԱԳ նախարարի ժամանակավոր պաշտոնակատար Ալի Աքբար Սալեհիին ներկայացնելու է երկրի խորհրդարանին՝ ԱԳ նախարարի պաշտոնը զբաղեցնելու նպատակով վստահության քվե ստանալու համար:
Այս առնչությամբ Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Մահմուդ Ահմադի Բիղաշը ISNA գործակալությանը հայտնել է. «Եթե նախագահը, որպես ԱԳ նախարարի, Սալեհիին խորհրդարան ներկայացնի, վստահ եմ, որ խորհրդարանի կողմից բարձր քվե կստանա»։ Բիղաշը, Սալեհիին կարող և գործունյա դիվանագետ համարելով, հույս հայտնեց, որ նախագահը հենց Սալեհիին կներկայացնի խորհրդարանին: Նա այդ պաշտոնը զբաղեցնելու համար այլ թեկնածուների առկայությունը անհավանական համարեց:
Արթին Առաքելյան
«Առաջին» Լրատվական
0 Պատգամ:
Post a Comment