Tuesday, January 25, 2011
Artin Arakelian
Իրանական լրատու կայքերից տեղեկանում ենք, որ Իրանի առաջնորդ Այաթոլլահ Խամենեիին Իրանի «Խաթամ Ալ Անբիա» կոչված հակաօդային պաշտպանության կենտրոնի հրամանատար Ահմադ Միղանիին փոխարինել է նոր հրամանատարով:
Իրանի առաջնորդը, որը նաև Իրանի ԶՈՒ գլխավոր հրամանատարն է, Իրանի հակաօդային պաշտպանության համակարգի նոր հրամանատար է նշանակել Ֆարզադ Իսմայելիին:
«Խաթամ Ալ Անբիա» հակաօդային պաշտպանության կենտրոնը վերջին շրջանում բազմաթիվ զորավարժություններ է անցկացրել, և կենտրոնի հրամանատարությունը բազմիցս հայտարարել է, որ Իրանի օդային տարածքը լիարժեքորեն պաշտպանված է հարձակումներից:
Հարկ է նշել, որ հիշյալ փոփոխությունը կատարվում է այն պահին, երբ Իրանի միջուկային խնդրի շուրջ Ստամբուլում կայացած Իրանի ու «վեցյակի» երկրների բանակցությունները որևէ դրական արդյունքի չեն հանգել:
ԱՄՆ-ն ու Իսրայելը, Իրանի միջուկային աշխատանքներում ռազմական խնդիրներ տեսնելով, բազմիցս հայտարարել են, որ այդ աշխատանքները կասեցնելու համար չեն բացառում նաև ռազմական հարձակումը:
Արտին Առաքելյան
«Առաջին» Լրատվական
0 Պատգամ:
Post a Comment