Tuesday, April 19, 2011
Artin Arakelian
Բահրեյնի ԱԳ նախարար Խալեդ Բեն Համադ Ալ-Խալիֆան Reuters գործակալության հետ զրույցում, անդրադառնալով Բահրեյնում արտաքին զինված ուժերի ներկայությանը, հայտարարել է. «Այդ ուժերը Սաուդյան Արաբիայի զինված ուժերը չեն, այլ Պարսից ծոցի համագործակցության խորհրդի ուժերն են, և նրանք Բահրեյնում կմնան այնքան ժամանակ, քանի դեռ արտաքին ուժերի կողմից սպառնալիքներ կան»։
Այն հարցին, թե որոնք են այդ արտաքին սպառնալիքները, նախարարը պատասխանել է. «Դա հենց տարածաշրջանային սպառնալիքն է, Իրանի և Պարսից ծոցի համագործակցության խորհրդի միջև եղած անհամաձայնություններն են, որոնք իրական և լուրջ սպառնալիք են: Ես չեմ ցանկանում ոչ մեկին դատապարտել, բայց այն, ինչ Իրանն է անում Բահրեյնում, Քուվեյթում և Սաուդյան Արաբիայում, դրական ու կառուցողական չէ, այլ հարատև ու կայուն սպառնալիք է»։
Արթին Առաքելյան
«Առաջին» Լրատվական
0 Պատգամ:
Post a Comment