Tuesday, April 19, 2011
Artin Arakelian
Իրանական Tabnak լրատվական կայքը, անդրադառնալով վերջերս WikiLeaks կայքի կողմից բացահայտված այն փաստաթղթին, որի համաձայն՝ Իսրայելը Ադրբեջանի տարածքն օգտագործում է Իրանի դեմ լրտեսություն իրականացնելու նպատակներով, հայտարարել է. «Բաքվի իշխանությունները լռում են WikiLeaks-ի կողմից հրապարակված փաստաթղթի մասին: Ադրբեջանի և Իսրայելի հարաբերությունները Ադրբեջանի ժողովրդի կամքին հակառակ են, քանի որ Իսրայելը հրեական ու հայկական լոբբիստական խմբակցությունների միջև առկա սերտ հարաբերության արդյունքում հրաժարվել է ճանաչել Ադրբեջանի տարածքային ամբողջականությունը:
Ադրբեջանի հակաիրանական բոլոր գործողությունները կայանում են այն մթնոլորտում, երբ Իրանի Իսլամական Հանրապետությունը ոչ միայն ճանաչել է Ադրբեջանի տարածքային ամբողջականությունը, այլ նաև Բաքվին տրամադրել է Ադրբեջանն ու Նախիջևանը կապող ցամաքային ճանապարհ, որի միջոցով կանխվել է հայկական զինված ուժերի կողմից Նախիջևանը գրավելու հավանականությունը»։
Արթին Առաքելյան
«Առաջին» Լրատվական
0 Պատգամ:
Post a Comment