Wednesday, March 02, 2011
Artin Arakelian
France Presse գործակալությունը հաղորդում է, որ ԱՄՆ պաշտպանության նախարար Ռոբերտ Գեյթսը մարտի 1-ին լրագրողների հետ ունեցած հանդիպման ընթացքում, անդրադառնալով արաբական երկրներում տեղի ունեցող իրադարձություններին, հայտարարել է. «Արաբական երկրների ժողովրդավարական ապստամբությունը մեծ պարտության մատնեց Իրանին և «Ալ-Ղաիդա»-ին: Հիշյալ հեղափոխությունները ոչնչացրին «Ալ Ղաիդա»-ի այն քարոզչությունը, որի համաձայն, բռնություններից ազատվելու միակ միջոցը ծայրահեղական և ահաբեկչական գործողություններն են»:
Գեյթսը, անդրադառնալով Իրանի ներքաղաքական իրավիճակին, ավելացրել է. «Իրանի ուժային կառույցները ոչ մի նմանություն չունեն Թունիսի, Եգիպտոսի և անգամ Բահրեյնի բանակի հետ, նրանք դաժանաբար ոչնչացնում են իրենց սեփական ժողովուրդին»:
Արթին Առաքելյան
«Առաջին» Լրատվական
0 Պատգամ:
Post a Comment