Նաթանյահուն Եգիպտոսի` Իրան դառնալու հեռանկարի մասին

Reuters գործակալության հաղորդմամբ, Իսրայելի վարչապեր Բենիամին Նաթանյահուն, Գերմանիայի կանցլեր Անգելա Մերկելի հետ համատեղ մամլո ասուլիսի ընթացքում Եգիպտոսում կատարվող իրադարձությունների մասին իր մտահոգությունը հայտնելով, հայտարարել է. 

«Խառնաշփոթ իրավիճակում իսլամիստական կազմակերպված որևէ կազմակերպություն հնարավորություն կունենա երկրը իր ձեռքը վերցնել. նմանօրինակ դեպքեր պատահել են Իրանում և այլուր»։

Այդ առնչությամբ իսրայելական Haaretz օրաթերթը նշել է, որ Եգիպտոսի խնդրի շուրջ խորհրդակցելու պատճառով Նաթանյահուի և Մերկելի հանդիպումը սահմանված ժամանակից ավելի է տևել:

Haaretz-ի մատուցմամբ, Նաթանյահուն փորձում է ԱՄՆ-ին և ԵՄ երկրներին համոզել, որ նվազեցնեն Մուբարաքի վրա գործադրած ճնշումները, որպեսզի հնարավոր լինի տարածաշրջանի կայունությունը պահպանել:

Մուբարաքի իշխանության անկման հավանականության բարձրանալուն զուգընթաց, իսրայելական պաշտոնյաներն ու մեկնաբանները զրույցներում ու գրություններում հայտարարում են իրենց մտահոգությունների մասին:

Haaretz-ի ռազմական հարցերի մեկնաբան Ամովս Հարելը հունվարի 31-ին հեղինակած իր հոդվածում գրում է. «Մուբարաքի վարչակարգի հավանական անկումը մեծ ազդեցություն և հետևանք կարող է ունենալ տարածաշրջանի համար: Մուբարաքի կառավարության փլուզումը կարող է վտանգել Եգիպտոսի ու Հորդանանի՝ Իսրայելի հետ ունեցած պայմանավորվածությունները:

Հարկ է նշել, որ Եգիպտոսը 1948-1973 թվականներին չորս անգամ պատերազմել է Իսրայելի հետ, և արաբական երկրներից առաջինն է եղել, որը Իսրայելի հետ խաղաղության պայմանագիր է ստորագրել:

Եգիպտոսի ներկայիս նախագահ Հուսնին Մուբարաքը, 1967-ի եգիպտա-իսրայելական պատերազմի ժամանակ Եգիպտոսի օդուժի հրամանատարն է եղել, իսկ 1981-ին` Եգիպտոսի նախկին նախագան Անվար Սադաթի ահաբեկումից հետո, դարձավ երկրի նախագահը:

Արթին Առաքելյան

«Առաջին» Լրատվական