Tuesday, February 01, 2011
Artin Arakelian
Reuters գործակալության հաղորդմամբ, Մեծ Բրիտանիայի պաշտպանության նախարար Լիամ Ֆոքսը հայտարարել է, որ դեմ է իսրայելական «Մոսադի»՝ արդեն թոշակի անցած ղեկավար Մեյեր Դագանի այն հայտարարությանը, ըստ որի՝ Իրանը առաջիկա 4 տարիների ընթացքում հնարավորություն չունի ատոմային ռումբ պատրաստելու:
Լիամ Ֆոքսը, Դագանի հայտարարությունները լավատեսական գնահատելով, նաև ավելացրել է. «Ես դեմ եմ Մեյեր Դագանի այն մտքին, թե միշտ պետք է խնդիրների լավատեսական կողմին ավելի ուշադրություն դարձնել. դա սխալ մոտեցում է: Ինչպես արդեն նախկին փորձառությունների ընթացքում, մասնավորապես Հյուսիսային Կորեայի խնդրի առնչությամբ ականատես եղանք, միջազգային հանրությունը, եթե փոպձում է խնդիրը ավելի դրական գնահատել, քան երևում է իրականում, հնարավոր է՝ մի պահ անակնկալի գա: Ուստի հայտարարում եմ, որ հնարավոր է՝ Իրանը մինչև 2012 թվականը ատոմային ռումբ պատրաստելու կարողություն ունենա, և ավելի լավ է, որ մենք աշխատենք ըստ այդ զգուշացման»։
Մեծ Բրիտանիայի պաշտպանության նախարարը չի ներկայացրել, թե ինքը ի՞նչ հաշվարկների ու տվյալների վրա հիմնվել է, որ նման հայտարարություն է անում, և միայն ավելացրել է. «Իրանը այս պահին միջուկային զենք չունի, բայց շարունակում է ուրանի հարստացումն ու ծանր ջրի ռեակտոր պատրաստելու գործընթացները, որոնք ռազմական օգտագործման պոտենցիալ ունեն»։
Արթին Առաքելյան
«Առաջին» Լրատվական
0 Պատգամ:
Post a Comment