Tuesday, February 01, 2011
Artin Arakelian
Իրանական ISNA գործակալության հաղորդմամբ, փետրվարի 1-ին Իրանի խորհրդարանի օրակարգում էր Իրանի ճանապարհային և տրանսպորտի նախարար Համիդ Բեհբահանիի հարցի քննությունը:
Քննարկումների ավարտին խորհրդարանի 147 պատգամավորներ հրաժարվել են իրենց տված վստահության քվեից, և այդ իսկ պատճառով, խորհրդարանի որոշմամբ, նախարարը պաշտոնից ազատվել է:
Նշենք, որ խորհրդարանի 78 պատգամավոր նախարարի օգտին է քվեարկել, և 9 պատգամավոր էլ ձեռնպահ է մնացել:
Մարդատար ինքնաթիռների հաճախակի վթարները նախարարին հարցաքննելու հիմնական առիթ են հանդիսացել, և արդյունքում նա պաշտոնանկ է արվել՝ կրկին խորհրդարանի վստահության քվեն ձեռք չբերելով:
Հարկ է նշել, որ Համիդ Բեհբահանին նախագահ Ահմադինեժադի խորհրդով իր հարցաքննության օրը չէր ներկայացել խորհրդարան։
Բացակայել էր նաև կառավարության նախագահ Մահմուդ Ահմադինեժադը:
Խորհրդարանի նախագահ Ալի Լարիջանին երկրի նախագահի և խնդրահարույց նախարարի նմանօրինակ արարքը օրենքի խախտում գնահատեց:
Արթին Առաքելյան
«Առաջին» Լրատվական
0 Պատգամ:
Post a Comment