Wednesday, February 02, 2011
Artin Arakelian
Գերմանիայի կանցլեր Անգելա Մերկելը Իսրայել կատարած իր այցի երկրորդ օրվա ընթացքում՝ փետրվարի 1-ին, հանդիպել է Իսրայելի նախագահ Շիմոն Պերեսի և «Քադիմա» ընդդիմադիր կուսակցության առաջնորդ Ցիպի Լիվնիի հետ:
Գերմանական Deutsche Welle գործակալության հաղորդմամբ, Իսրայելի նախագահ Պերեսի հետ հանդիպման ընթացքում Մերկելը, Իսրայելի դեմ ուղղված Իրանի սպառնալիքը նկատի ունենալով, չի բացառել Իրանի դեմ նոր պատժամիջոցների սահմանումը:
Մերկելի հայտարարությամբ. «Իրանի կողմից սպառնալիքն իրական է, բայց պետք է տեսնել՝ արդյոք նոր պատժամիջոցների անհրաժեշտությունը կա՞, թե՞ ոչ: Նոր պատժամիջոցները միայն միջազգային մասշտաբում է, որ իմաստ կստանան, երբ դրան մասնակից լինեն Ռուսաստանն ու Չինաստանը»։
Իսրայելը հայտարարել է, որ մտահոգված է Մերձավոր Արևելքում Իրանի գործողությունների և Եգիպրոսում տեղի ունեցող իրադարձությունների պատճառով, որոնց արդյունքում, ըստ Իսրայելի պետական պաշտոնյաների, հնարավոր է՝ ուժեղանա Իրանի դերակատարությունը տարածաշրջանում:
Արթին Առաքելյան
«Առաջին» Լրատվական
0 Պատգամ:
Post a Comment