Thursday, February 03, 2011
Artin Arakelian
Ամերիկյան Raw Story կայքը հաղորդում է, որ ՄԱԿ ԱԽ-ում ԱՄՆ նախկին ներկայացուցիչ Ջոն Բոլթոնը, Fox News հեռուստաընկերության հետ ունեցած զրույցի ընթացքում անդրադառնալով Եգիպտոսի իրադարձություններին ու նաև Իրանի, Իսրայելի և Ալ Բարադեի դերակատարություններին, հայտարարել է.
«Հոսնի Մուբարաքի վարչակարգի փլուզումը արագացնելու է Իրանի ատոմակայաններին հարվածելու գործընթացը: Ես չեմ կարծում, թե երկար ժամանակ է մնացել գործողության համար, և ենթադրում եմ, որ Եգիպտոսի վարչակարգի փլուզումը, որը կառչած է խաղաղությանը, արագացնելու է Իրանի ատոմակայաններին հարվածելու Իսրայելի որոշումները: Եթե Մուբարաքի վարչակարգը փլուզվի, Իսրայելը կհարվածի Իրանի ատոմակայաններին»։
Հարկ է նշել, որ ԱՄՆ նախկին նախագահ Ջորջ Բուշ կրտսերի պաշտոնավարության տարիներին Ջոն Բոլթոնը համարվում էր ու նաև հիմա համարվում է Հանրապետականների ծայրահեղական մոտեցումների ներկայացուցիչը, հատկապես՝ Իրանի խնդրում:
Արթին Առաքելյան
«Առաջին» Լրատվական
0 Պատգամ:
Post a Comment