Tuesday, August 02, 2011
Artin Arakelian
«Պայքարող հոգևորականների հասարակություն» կազմակերպության խոսնակ Ահմադ Սալեքը իրանական Shargh օրաթերթի հետ զրույցում, անդրադառնալով Ահմադինեժադի և այաթոլլահ Խամենեիի միջև ծագած անհամաձայնությունների արդյունքում նախագահի երկշաբաթյա խռովությանը, հայտարարել է.
«Ահմադինեժադի մեկուսացման օրերին Օբաման և Նեթանյահուն աջակցեցին նրան՝ ընդդեմ այաթոլլահ Խամենեիի: Ահմադինեժադը համոզված էր, որ եթե նման քայլի դիմի, ժողովուրդը իրեն պաշտպանելու համար փողոց դուրս կգա, բայց հակառակը ապացուցվեց: Իսկ եթե Ահմադինեժադի մեկուսացումը երկար շարունակվեր, խորհրդարանը երկրի ճակատագիրը կպարզեր»։
Մատնանշելով կառավարություն ներթափանցած դավադիրների փաստը՝ Ահմադ Սալեքը ավելացրել է. «Դավադիրների ճամբարն այնտեղ է հասել, որ ասում են՝ եթե մենք փրկիչ մարգարեի հետ ուղղակի կապի մեջ ենք, էլ ինչու պիտի ենթարկվենք երկրի առաջնորդին: Մենք հույս ունենք, որ Ահմադինեժադի պաշտոնավարության այս երկու տարին էլ լավ ավարտ կունենան, բայց դեռ շուտ է եզրակացություններ անելու համար, պիտի սպասենք մինչև խորհրդարանական ընտրությունները, երբ շատ խնդիրներ պարզ կդառնան: Ես հույս ունեմ, որ Ահմադինեժադին շրջապատած դևերը ռուսական, ամերիկյան ու իսրայելական դևեր չեն լինի:»
Արթին Առաքելյան
«Առաջին» Լրատվական
0 Պատգամ:
Post a Comment