Sunday, August 07, 2011
Artin Arakelian
Իրանական IRAN օրաթերթի հաղորդմամբ, Թեհրանի քաղխորհրդի անդամ, նախագահ Մահմուդ Ահմադինեժադի քույրը՝ Փարվին Ահմադինեժադը, հայտարարել է, որ Թեհրանի քաղաքապետը 82 լրատվական միջոց ունի:
Փարվին Ահմադինեժադի փոխանցմամբ՝ Թեհրանի քաղաքապետ Ղալիբաֆը բազմաթիվ լրատվական միջոցներ՝ լրատվական կայքեր, օրաթերթեր, շաբաթաթերթեր ու պարբերականներ ունի, որոնց միջոցով քաղաքապետի անգամ թաղային մի գործարքը երկրի մակարդակով շրջանառության մեջ է մտնում:
Ըստ Փարվին Ահմադինեժադի՝ քաղաքապետարանը լոկ քաղաքային կառույց է, որը ծառայում է մայրաքաղաքի բարեկեցությունը ապահովելուն, բայց Ղալիբաֆի այս պահվածքն ապացուցում է, որ քաղաքապետը հեռանկարում այլ նպատակներ ունի:
Հիշեցնենք, որ Թեհրանի ներկայիս քաղաքապետ Ղալիբաֆը համարվում է նախագահական ընտրությունների գլխավոր թեկնածուներից, որը հնարավորություն ունի մրցակցել Ահմադինեժադի թիմակիցների հետ:
Արթին Առաքելյան
«Առաջին» Լրատվական
0 Պատգամ:
Post a Comment