Sunday, August 07, 2011
Artin Arakelian
Իրանական Etedaal լրատվական կայքի հաղորդմամբ՝ Իրանի ոստիկանությունը ձերբակալել է օրեր առաջ Ֆեյսբուք սոցիալական ցանցում «ջրոցի» կազմակերպող անհատներին:
Մի շարք իրանցիներ Ֆեյսբուքի միջոցով Թեհրանի «Կրակ և ջուր» զբոսայգում կազմակերպել էին ջրցողի միջոցառում. բազմաթիվ իրանցի երիտասարդներ համախմբվելով՝ միմյանց վրա ջուր էին ցողել:
Հիշյալ նախաձեռնությունը Իրանի իշխանությունների կողմից որակվել էր որպես ոչ-բարոյական և իսլամական շարիաթի դեմ գործողություն:
Etedaal-ի փոխանցմամբ, ձերբակալվածներ փորձում էին կրկին նմանօրինակ միջոցառում ձեռնարկել Թեհրանի ամենամեծ զբոսայգիներից մեկում՝ Մելաթ զբոսայգում, որի արդյունքում էլ ձերբակալվել են ոստիկանության կողմից:
Հիշեցնենք, որ այս նախաձեռնության պատճառով Թեհրանի հայերն էլ հնարավորություն չունեցան հայոց առաջնորդարանի դիմաց գտնվող Սուրբ Մարիամ զբոսայգում իրականացնել վարդավառի ավանդական տոնակատարությունը, քանի որ Թեհրանի ոստիկանությունն արգելել էր վարդավառի տոնակատարությունը՝ միջոցառումը «Կրակ ու ջուր» զբոսայգում կատարվածի շարունակությունը համարելով:
Արթին Առաքելյան
«Առաջին» Լրատվական
0 Պատգամ:
Post a Comment