Tuesday, March 15, 2011
Artin Arakelian
Իրանական IRAN օրաթերթը հաղորդում է, որ Իրանի Իսլամական Հանրապետության նախագահ Մահմուդ Ահմադինեժադը, մարտի 14-ին գտնվելով իրանական Ղեշմ կղզում, հայտարարեց Բանդար Աբաս քաղաքն ու Ղեշմ կղզին իրար միացնող կամուրջի շինարարության բացումը:
Ըստ օրաթերթի՝ 2200 մ երկարությամբ հիշյալ կամուրջը Ղեշմ կղզին կապելու է Բանդար Աբաս նավահանգստին: Ահմադինեժադը բացման արարողության ժամանակ հայտարարել է. «Պարսից ծոցի վրա կառուցվող կամուրջը մեծ փոփոխություն առաջ կբերի տարածաշրջանի և մասնավորապես Ղեշմ կղզու զարգացման գործում: Դա պատճառ կդառնա, որ բազմաթիվ գործարարներ լուրջ ներդրումներ կատարեն Ղեշմում։ Այսուհետ կղզին դառնալու է Պարսից ծոցի տնտեսական և մշակությաին կարևորագույն կենտրոնը»:
«Ղեշմի» տնտեսական ազատ գոտու կազմակերպության տնօրենն էլ IRNA գործակալությանը այդ կապակցությամբ հայտնել է, որ 13 նավթազտարան և նավթարդյունաբերական ընկերություններ Ղեշմ կղզում ներդրումներ կատարելու իրավունք են ստացել:
Արթին Առաքելյան
«Առաջին» Լրատվական
0 Պատգամ:
Post a Comment