Monday, March 07, 2011
Artin Arakelian
Իրանական Fars գործակալությունը հաղորդում է, որ Ադրբեջանի ԱԳ նախարար Էլմար Մամեդյարովը մարտի 7-ի կեսօրին ժամանել է Թեհրան: Մեկօրյա աշխատանքային այցի ընթացքում Մամեդյարովը նախ հանդիպել է Իրանի ԱԳ նախարար Ալի Աքբար Սալեհիի հետ, հետո մասնակցել է Իրան-Ադրբեջան տնտեսական համագործակցության հանձնաժողովի 8-րդ նիստին:
Իրանի ԱԳ նախարար Ալի Աքբար Սալեհին, լրագրողների հետ ունեցած զրույցում անդրադառնալով Մամեդյարովի հետ ունեցած հանդիպմանը, հայտարարել է. «Այսօր Իրանն ու Ադրբեջանը շատ սերտ հարաբերություններ են մշակել միմյաց միջև: Իրանը Ադրբեջանի վստահելի հարևանն ու գործընկերն է, և մենք ոչ մի ջանք չենք խնայելու այդ հարաբերությունները ավելի ամրապնդելու համար: Դրա վառ ապացույցը կարող է լինել այս տարվա ընթացքում Իրանի նախագահ Մահմուդ Ահմադինեժադի՝ Ադրբեջան կատարելիք այցը»։
Արթին Առաքելյան
«Առաջին» Լրատվական
0 Պատգամ:
Post a Comment