Tuesday, February 08, 2011

Իրանի պահակազորի հրամանատարը հերքել է WikiLeaks-ի հրապարակումը

Ինչպես արդեն տեղեկացրել էինք WikiLeaks կայքը օրերս բացահայտել էր, որ ԱՄՆ FBI նախկին պաշտոնյա Ռոբերտ Լևինսոնը գտնվում է Իրանի պահակազորի բանտում: Այդ փաստը հաղորդել է մի քաղաքական բանտարկյալ, երբ բանտախցում տեսել է Լևինսոնի ստորագրությամբ մի երկտող, որտեղ նա օգնության կոչ էր արել:

Այդ կապակցությամբ Իրանի իսլամական հեղափոխության պահակազորի հրամանատար Մուհամադ Ալի Ջաֆարին փետրվարին 7-ին` լրագրողների հետ հանդիպման ընթացքում, հերքեց WikiLeaks-ի բացահայտումը` հայտարարելով. «Եթե պահակազորը որևէ մեկին ձերբակալի, ինքն էլ այդ մասին տեղեկություններ կհրապարակի: Իրանի թշնամիները պատրվակ են փնտրում` փորձելով նմանօրինակ հրապարակումներով հայտնաբերել Իրանի պահակազորի ուժեղ և թույլ կողմերը»:

Հարկ է նշել, որ ԱՄՆ թոշակի անցած նախկին պաշտոնյա Ռոբերտ Լևինսոնին վերջին անգամ տեսել են 2007-ի մարտին Իրանի հարավում գտնվող Քիշ կղզում, որտեղից էլ նա անհետացել է, և մինչ օրս նրա մասին ոչ մի տեղեկություն չկա:

Թե՛ Լևինսոնի ընտանիքը և թե՛ ԱՄՆ պետքարտուղարը բազմիցս Իրանի նախագահից պահանջել են տեղեկություններ փոխանցել Լևինսոնի ճակատագրի մասին, բայց Իրանի իշխանությունները ամեն անգամ հերքել են այն տեղեկությունը, թե Լևինսոնը ձերբակալված է Իրանում:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը