Wednesday, February 09, 2011
Artin Arakelian
Sunni Online կայքը հաղորդել է, որ Իրանի անվտանգության ծառայությունները, գրոհելով Թեհրանում գործող սուննի մուսուլմաններին պատկանող մզկիթը, փակել են այն ու ձերբակալել մզկիթի հոգևոր առաջնորդ Աբիդոլլահ Մուսազադեին:
Կայքի հաղորդմամբ, Իրանի իսլամական հեղափոխությունից հետո Իրանի սուննի մուսուլմանները զրկվել են մզկիթ ունենալու իրավունքներից, և տարիներ շարունակ այդ իրավունքը ստանալու նրանց փորձերը մինչև օրս ապարդյուն են մնացել:
Կայքը ավելացնում է, որ սուննի մուսուլմանների երկու այլ աղոթարանների ղեկավարներն էլ, բազմաթիվ սպառնալիքներ ստանալով, դադարեցրել են իրենց աշխատանքը:
Հարկ է նշել, որ Իրանի իսլամական հեղափոխությունից հետո Իրանի իշխանությունները հայ համայնքին էլ նոր եկեղեցիներ կառուցելու թույլտվություն չեն տվել, և հայ համայնքը իր կրոնական արարողությունները անցկացնում է հեղափոխությունից առաջ կառուցված եկեղեցիներում:
Արթին Առաքելյան
«Առաջին» Լրատվական
0 Պատգամ:
Post a Comment