Wednesday, February 09, 2011
Artin Arakelian
Ինչպես տեղեկացրել էր «Առաջին լրատվականը», Իրանի ռեֆորմիստական շարժման երկու առաջնորդները՝ Միր Հուսեյն Մուսավին ու Մեհդի Քարուբին, հայտարարել էին, որ պահանջում են իշխանություններից իրենց թույլ տալ փետրվարի 14-ին, Թունիսի ու Եգիպտոսի ժողովրդին աջակցելու նպատակով, բողոքի քայլարշավ իրականացնել Թեհրանի Իմամ Հուսեյն հրապարակից մինչև Ազատության հրապարակ:
Թեև իշխանությունները դեռ ոչ մի պատասխան չեն տվել ռեֆորմիստ առաջնորդների հայցին, բայց ժողովուրդը արդեն պատրաստվում է փետրվարի 14-ին բողոքի ցույց անցկացնել Իրանում:
Այդ ուղղությամբ Facebook սոցիալական ցանցում ստեղծվել է Փետրվարի 14-ի (իրանական տոմարով այդ օրը Բահման ամսի 25-ն է) էջը՝ հետևյալ հասցեով. http://www.facebook.com/25bahman ։ Վերջին տվյալների համաձայն, հիշյալ էջը, որի միջոցով փորձում են բազմաթիվ քարոզչական հնարքներ ուսուցանել մարդկանց, արդեն 22 հազար անդամ է համախմբել իր շուրջը:
Հարկ է նշել, որ Թեհրանի համալսարանների մի շարք դասախոսներ էլ մի ուղերձով դիմել են ժողովրդին ու ուսանողներին՝ փետրվարի 14-ին մասնակցելու կոչով: Դասախոսները փետրվարի 14-ը Իրանի ժողովրդի քննության օրն են անվանել:
Արթին Առաքելյան
«Առաջին» Լրատվական
0 Պատգամ:
Post a Comment