Tuesday, February 01, 2011
Artin Arakelian
Իրանական լրատվական գործակալությունների հաղորդմամբ, Իրանի դատական իշխանության խոսնակ Ղոլամ Հուսեյն Մոհսենի Էժեին հայտարարել է, որ հնարավոր է՝ շուտով մահապատժի ենթարկվի Իսրայելի օգտին լրտեսություն իրականացրած մի քաղաքացի:
Էժեիի հաղորդմամբ, «Հիշյալ լրտեսի մահվան դատավճիռը կայացվել է, և գերագույն ատյանի վավերացումից հետո նա շուտով մահապատժի կենթարկվի»։ Էժեին լրտեսի ինքնության մասին ոչ մի տեղեկություն չփոխանցեց:
Էժեին նաև ավելացրել է, որ փետրվարի 6-ին կայանալու է Իրանի սահմանը հատած և լրտեսության մեջ մեղադրվող ԱՄՆ երեք քաղաքացիների դատավարությունը:
Նրա հայտարարությամբ, ձերբակալվածներից մեկը՝ Սառա Շուրդը, որ գրավի դիմաց ազատ էր արձակվել, նորից Իրան է կանչվել: Շրջանառվող լուրերի համաձայն, Սառա Շուրդը հայտարարել է, որ մտադիր չէ վերադառնալ Իրան ու Իրանի իշխանություններից պահանջում է ազատ արձակել իր երկու ընկերներին՝ Ջաշ Ֆաթալին ու Շեյն Բաովերին:
Արթին Առաքելյան
«Առաջին» Լրատվական
0 Պատգամ:
Post a Comment