Friday, February 18, 2011
Artin Arakelian
Իրանական Fars գործակալության հաղորդմամբ, Իրանի պահապան խորհրդի քարտուղար Այաթոլլահ Ջանաթին Թեհրանի ուրբաթօրյա նամազի ընթացքում ունեցած իր ելույթում հայտարարել է.
«Ես դավադիրների առաջնորդներին ասում եմ, թե դուք այլևս մեռած եք: Ովքեր որ Մուսավիի և Քարուբիի մահապատիժն են պահանջում, պետք է իմանան, որ նրանք այսօր հասարակության աչքից ընկած են ու պատիվ չունեն այլևս: Դավադիր առաջնորդների կապը հասարակության հետ պետք է կտրվի, նրանք պիտի տնային կալանքում պահվեն ու իրենց հեռախոսակապերն ու ինտերնետի կապը պիտի անջատվի: Նրանք պիտի բանտարկվեն իրենց տներում: Երբ Իրանը հաջողությամբ զարգանում է, և կառավարությունն օր ու գիշեր աշխատում է երկրի համար, դուք մտքներիդ դրել եք, թե պիտի պաշտպանեք Եգիպտոսին: Ամո՛թ ձեզ»:
Այաթոլլահ Ջանաթին, անդրադառնալով Եմենում ու Բահրեյնում ժողովրդի դեմ կիրառված բռնություններին, հայտարարել է. «Ինչո՞ւ այդ պետությունները չեն հասկանում, որ ժողովուրդը այլևս զզված է իրենցից: Արդյոք արդարացի՞ է, որ նրանք իրենց ժողովուրդներին սպանում և բանտակում են»:
Հարկ է նշել, որ Թեհրանի ուրբաթօրյա նամազի ավարտին մասնակիցները բողոքի ցույց իրականացրին ռեֆորմիստական շարժման առաջնորդների ու ակտիվիստների դեմ:
Արթին Առաքելյան
«Առաջին» Լրատվական
0 Պատգամ:
Post a Comment