Tuesday, January 25, 2011
Artin Arakelian
Իրանի խորհրդարանի ազգային անվտանգության հանձնաժողովի անդամ ու Իրան-ՌԴ բարեկամության խմբի նախագահ Մեհդի Սանային, Իրանական Fars գործակալության հետ հարցազրույցի ընթացքում, անդրադառնալով Մոսկվայի Դոմոդեդովո օդանավակայանում տեղի ունեցած ահաբեկչական գործողությանը, հայտարարել է. «Որոշ մուսուլմաններ այնպիսի արարքներ են կատարում, որը վնասում է համայն աշխարհի մուսուլմանների դիմագծին: Նկատի ունենալով, որ ՌԴ-ն բազմազգ ու բազմակրոն երկիր է, հետևաբար հնարավոր է, որ նմանօրինակ գործողությունների հիմնական նպատակն է ազգամիջյան ու միջկրոնական խռովություններ առաջացնելը»:
Հիմնական խնդիրների արմատները Կովկասի տարածաշրջանը համարելով` Սանային ավելացրել է. «Ահաբեկչական գործողությունները լուրջ արմատներ ունեն ու պիտի այդ արմատները ճանաչելով` փորձել գտնել դժգոհությունների հիմնական աղբյուրը, որոնց պատճառով էլ առաջանում են ծայրահեղական խմբավորումները: Վերջին տարիների ընթացքում ՌԴ իշխանութունները դրական քայլեր են կատարել հիշյալ շրջաններում բնակվող ժողովրդի կենցաղային բարեկարգումների ուղղությամբ, ու նրանք պիտի կրկնապատկեն նման աշխատանքները, որի արդյունքում կվերանան ահաբեկչական ու ծայրահեղական հակումները:
Մենք էլ մեր հերթին, առաջիկա հանդիպումների ընթացքում, Իրանի ժողովրդի ու կառավարության ցավակցականները կփոխանցենք մեր ռուս գործընկերներին»:
Սանային վերջում մատնանշել է. «Չափավորական իսլամի տարածումը, ու Կովկասի տարածաշրջանում Ռուսաստանի մուսուլման երկրների, ինչպես նաև Իրանի ներկայությունը կարող է կայունություն ապահովել մուսուլմանաբնակ շրջաններում»:
Արթին Առաքելյան
«Առաջին» Լրատվական
0 Պատգամ:
Post a Comment