Wednesday, January 26, 2011
Artin Arakelian
Իրանական Tabnak լրատու կայքի փոխանցմամբ, Մեծ Բրիտանիայում գործող Իրանական «Մելաթ» բանկը, կրկին չհաջողեց հաղթել դատարանում ու այդ պատճառով, Մեծ Բրիտանիայի ֆինանսների նախարարության կողմից առգրավվեց այդ բանկի 153 միլիոն դոլար ունեցվածքը:
Մեծ Բրիտանիայի ֆինանսների նախարարությունը 2010-ի հուլիսին իրանական բանկին Իրանի միջուկային աշխատանքների օգտին ֆինանսական փոխադրություններ կատարելու մեղադրանքով արգելել էր աշխատել Մեծ Բրիտանիայում ու նաև բանկին արգելվել էր ձեռնհասություն ունենալ իր 153 միլիոն դոլարի արժողության ունեցվածքին:
Հիշյալ դատարանը 2011-ի հունվարին կրկին սկսել էր իր աշխատանքը, բայց արդյունքում պարզվել է, որ իրանական բանկին չի հաջողվել այս անգամ հաղթող դուրս գալ դատարանից, ու ի վերջո Մեծ Բրիտանիայի ֆինանսների նախարարությունը, հակաահաբեկչական օրենքի հիման վրա, առգրավել է «Մելաթ» բանկի 153 միլիոն դոլարի համարժեք ամբողջ ունեցվածքը: Նշենք, որ Մեծ Բրիտանիայում աշխատող «Մելաթ» բանկը, տարեկան 25 միլիոն դոլար շրջանառություն էր ապահովել բանկի համար:
Արթին Առաքելյան
«Առաջին» Լրատվական
0 Պատգամ:
Post a Comment