Wednesday, January 26, 2011
Artin Arakelian
Reuters գործակալության հաղորդմամբ, ԱՄՆ ԱԳ նախարարության բարձաստիճան դիվանագետ Ֆիլո Դիբլը, որը ԵՄ պաշտոնյաների հետ հանդիպման նպատակով գտնվում է Բրյուսելում, դիմելով Եվրոպական ղեկավարներին, հայտարարել է. «Մենք բոլորս ականատես ենք, որ Իրանում վատթարացել է մարդու իրավունքների պաշտպանության վիճակը: ԵՄ-ն, Իրանի դեմ սահմանված պատժամիջոցների շրջանակը ընդլայնելով, պետք է սահմանափակումներ առաջադրի նաև իրանցի պետական այն դիվանագետների հանդեպ, ովքեր Իրանում ոտնահարում են մարդու իրավունքները: Մենք եվրոպացիներին առաջարկում ենք նկատի առնել այն, ինչ ԱՄՆ-ն է արել մարդու իրավունքների խնդրի համար»։
Նշենք, որ ԱՄՆ-ն 2010-ի սեպտեմբերին 8 իրանցի բարձրաստիճան պաշտոնյաների ու պահակազորի հրամանատարների՝ ԱՄՆ-ում ունեցած բոլոր բանկային հաշիվներն ու ունեցվածքը առգրավեց:
Դիբլը, ԱՄՆ-ի փորձը մատնացույց անելով, հայտարարել է. «Մենք չեն ասում, թե այն, ինչ արվել է ԱՄՆ-ում, պիտի կատարվի նաև Եվրոպայում, այլ փորձում ենք ասել, որ մենք նման քայլ ենք կատարել, և սա էլ դրա արդյունքն է»։
Հարկ է նշել, որ Իրանի դեմ ԱՄՆ ու ԵՄ սահմանած շրջափակումները առհասարակ տնտեսական ոլորտն են ընդգրկում, ու նաև որոշ իրանցի պաշտոնյաների արգելում են մուտք գործել ԵՄ ու ԱՄՆ տարածք: Բայց վերջին շրջանում մարդու իրավունքների պաշտպան մի շարք եվրոպական կազմակերպությունները, ԵՄ-ին քննադատելով, հայտարարել են, որ ԵՄ-ն Իրանի հարցում չի կատարել մարդու իրավունքների հարցում ունեցած իր պարտականությունները:
Արթին Առաքելյան
«Առաջին» Լրատվական
0 Պատգամ:
Post a Comment