Wednesday, January 26, 2011
Artin Arakelian
Իրանական լրատվամիջոցների հաղորդմամբ, իրանական IRNA պետական գործակալության հայտնի լրագրող Սիամաք Ղադերին դատարանի կողմից մեղադրվել է համակարգի դեմ քարոզչության, հանրային կարծիքի խեղաթյուրման ու սուտ տեղեկություններ տարածելու համար և դատապարտվել 4 տարվա ազատազրկման:
Վեց ամիս առաջ Իրանի անվտանգության ծառայությունները ներխուժել էին Ղադերիի տուն ու ձերբակալել նրան։ Լրագրողը մինչ օրս գտնվում է ազատազրկման մեջ: Նա համարվում է IRNA գործակալության ղեկավարության գլխավոր քննադատներից և այդ նպատակով նաև ստեղծել է իր անձնական բլոգը՝ «Մեր IRNA-ն» անունով, որում գրում էր գործակալությունում կատարվող բազմաթիվ բացթողումների մասին:
Սիամաք Ղադերին ավելի քան 18 տարի է՝ աշխատում է IRNA գործակալությունում և համարվում է այդ գործակալության վաստակավոր լրագրողներից:
Երբ Իրանի նախագահ Ահմադինեժադը ԱՄՆ Կոլումբիայի համալսարանում ունեցած իր ելույթում հայտարարել էր, որ Իրանում միասեռականներ գոյություն չունեն, նա իր բլոգում հրապարակել էր մի քանի միասեռականների հետ իր ունեցած հարցազրույցները, որի համար նրան, միասեռականների հետ ունեցած համագործակցության մեղադրանքով, դատապարտել էին մտրակի 60 հարվածի:
Արթին Առաքելյան
«Առաջին» Լրատվական
0 Պատգամ:
Post a Comment