Wednesday, April 13, 2011
Artin Arakelian
Ամերիկյան World Tribune օրաթերթի հաղորդմամբ, Սիրիայի ընդդիմադիր ռեֆորմիստական կուսակցությունը (RPS) հայտարարել է, որ Իրանի իշխանությունները Բաշար Ասադի վարչակարգը պահպանելու նպատակով Սիրիա են ուղարկել ավելի քան 10 հազար գրոհայինների:
Սիրիայի ռեֆորմիստական կուսակցության խոսնակ Ֆարիդ Ղադրին ասել է. «Իրականում Իրանի պահակազորը գրավել է Սիրիան և դարձել նրա գլխավոր իշխանությունը: Սիրիան վերածվել է Իրանի 32-րդ նահանգի»։
Ըստ օրաթերթի՝ Իրանը նախապես ուշադրության տակ էր առել ժողովրդական ցույցերը, իսկ արդեն ապրիլի 4-ից սկսած՝ անվտանգության բոլոր գործողությունները և Ասադների ընտանիքի անվտանգության ապահովումը ստանձնել է Իրանի պահակազորը:
Ռեֆորմիստական կուսակցության խոսնակի մատուցմամբ, ապրիլի 4-ից Սիրիայի բոլոր գեներալները հնազանդվում են Իրանի պահակազորի հրամանատարներին:
Արթին Առաքելյան
«Առաջին» Լրատվական
0 Պատգամ:
Post a Comment