Tuesday, March 01, 2011
Artin Arakelian
Իրանական Mehr գործակալությունը հաղորդում է, որ Իրանի դատական իշխանության խոսնակ Ղոլամ Հուսեյն Մոհսենի Էժեին լրագրողների հետ ունեցած ասուլիսի ընթացքում պաշտոնապես հաստատել է, որ Իրանի ռեֆորմիստական շարժման առաջնորդներ Միր Հուսեյն Մուսավին և Մեհդի Քարուբին ենթարկվել են տնային կալանքի:
Էժեին ասուլիսում ասել է. «Մինչ այսօր դավադիրները թաքուն էին աշխատում, իսկ այս պահին արդեն նրանք սկսել են բացահայտ կերպով աշխատել, ու պարզ են դարձել ԱՄՆ-ի և Արևմուտքի հետ ունեցած նրանց կապերը: Ուրեմն, այս պահից մեր քաղաքականությունն ու դիրքորոշումը նրանց հանդեպ կտրուկ փոխվելու են: Դավադիրները ժողովրդի մեջ այլևս տեղ չունեն, և անգամ հակահեղափոխականներն են նրանց ծաղրում: Մենք առաջին քայլով սահմանափակել ենք նրանց բոլոր շփումներն ու հեռախոսակապերը: Դա միայն առաջին քայլն է, իսկ հարկ եղած դեպքում ավելի խիստ քայլեր կձեռնարկենք»:
Հարկ է նշել, որ ռեֆորմիստական շարժման լրատվական կայքերն արդեն հաղորդել են, որ Միր Հուսեյն Մուսավին և Մեհդի Քարուբին իրենց կանանց հետ ձերբակալված են և գտնվում են Թեհրանի «Հեշմալիե» բանտում:
Արթին Առաքելյան
«Առաջին» Լրատվական
0 Պատգամ:
Post a Comment