Tuesday, March 22, 2011
Artin Arakelian
Իրանի առաջնորդ Այաթոլլահ Խամենեին Մաշհադ քաղաքում ունեցած իր ելույթում արձագանքեց ԱՄՆ նախագահ Բարաք Օբամայի՝ Նովրուզի առիթով Իրանի ժողովրդին ուղղած շնորհավորական ուղերձին:
Այաթոլլահ Խամենեին, անդրադառնալով Օբամայի ուղերձին, Արևմուտքի պարտված գործողությունը երկու բառով է բնութագրել՝ պատեհապաշտություն և կրկնօրինակում:
Իրանի առաջնորդը հայտարարել է. «Կրկնօրինակությունն այն է, որ Արևմուտքը փորձեց Եգիպտոսում, Թունիսում, Լիբիայում և արաբական այլ երկրներում ծայր առած ընդվզումները իրականացնել նաև Իրանում, մի երկրում, որտեղ տիրում է կրոնական ժողովրդավարություն, մի երկրում, որը պատկանում է ժողովրդին: Արևմուտքի աջակիցները մեր երկրում փորձեցին մի բան անել, այն հույսով, որ կստացվի, բայց չստացվեց: Նա (Օբաման) ասել է, թե Եգիպտոսի Թահրիր հրապարակում և Թեհրանի Ազադի հրապարակում համախմբվածները նույն մտադրությամբ են համախմբվել: Նա շատ ճիշտ է: Ամեն տարի Իրանի ժողովուրդը իսլամական հեղափոխության հաղթանակի տարեդարձի առիթով համախմբվում է Ազադի հրապարակում, ու նրա գլխավոր լոզունգն է՝ «Մահ Ամերիկային»:
Նրանք ասում են, թե դեմ են դիկտատորներին, բայց սուտ են ասում: Հենց ԱՄՆ ներկայիս նախագահը տնտեսական ճգնաժամի ժամանակ ամերիկյան ժողովուրդի հարստությունից միլիարդավոր դոլարներ հատկացրեց երկրի բանկերին նրանց ասպարեզում պահելու նպատակով: Այսօր Ամերիկայի ժողովուրդը տառապում է տնտեսական ճգնաժամի պատճառով, ու նրանց նախագահն էլ չգիտի՝ ինչ պետք է անել»:
Արթին Առաքելյան
«Առաջին» Լրատվական
0 Պատգամ:
Post a Comment