Wednesday, March 23, 2011
Artin Arakelian
Իրանական Fararu լրատվական կայքի հաղորդմամբ, թուրքական Aksam օրաթերթը, իր մարտի 22-ի համարում անդրադառնալով Դիարբեքիրի օդանավակայանում իջեցված իրանական բեռնատար ինքնաթիռի մասին լուրերին, «Ամերիկայի գաղտնաբառը» խորագրով մեկնաբանության մեջ գրել է.
«Դիարբեքիրի օդանավակայանում իրանական ինքնաթիռի վայրէջքի հետևում թաքնված է ԱՄՆ-ի ձեռքը: ԱՄՆ-ը ՆԱՏՕ-ի միջոցով թուրքական անվտանգության ծառայություններին հայտնել է, թե հավաստի տեղեկություն է ստացել այն մասին, որ իրանական բեռնատար ինքնաթիռում կասկածելի ապրանքներ կան:
2010-ի հունվարի 9-ին, երբ Իրանի դեմ սահմանված շրջափակումները խստացվել էին, տասնյակ իրանական ինքնաթիռներ թուրքական կողմի պահանջով վայրէջք են կատարել Թուրքիայում և ստուգվել են: Դրանցից միայն երկուսի մասին են լուրեր հրապարակվել մամուլում:
Իրանական կողմը անհանգստացած է հաճախակի վայրէջքների հրամաններից և արդեն մի քանի չվերթ չեղյալ է հայտարարել»:
Արթին Առաքելյան
«Առաջին» Լրատվական
0 Պատգամ:
Post a Comment