Երբ մի քիչ ճաշակով էս լինում

Մի ֆրանսացի արւեստագետ, փորձել է իր արւեստի տաղանդը ներդնել անձեռոցիկների վերջին շերտի կարտոնէ խողովակների մեջ: Նա բազմաթիւ աշխատանքներ է պատրաստել, որը տեղադրելով այդ կարտոնէ խողովակներում ձեւաւորել է մի նոր արւեստի ոճ:

Շարունակություն »

Ֆիդել Կաստրօ. մահափորձների ռեկորդակիր

Այսօր՝ օգոստոսի 13-ը, հանդիսանում է Կուբայի Յեղափոխութեան առաջնորդ Ֆիդել Կաստրոյի ծննդեան օրը: Կաստրոն ծնւել է 1926- օգոստ. 13-ին Օրիենթէ նահանգում: Նրա ընտանիքը համարւում էր հարուստ հողատեր: Կաստրոն տարական ուսումը ստանալուց յետոյ, փոխադրւում է Սանտիագօ քաղաքում գտնւող մի մասնաւոր դպրոց, իսկ յետոյ գնալով Հաւանա, ուսանում է իրաւաբանական ֆակուլտետում:

Կաստրոն ուսանողութեան տարիներին, միանում է մի ուսանողական խմբակցութեանը, որը պայքարում էր երկրում քաղաքական կոռուպցիայի դեմ:  Նա 1947-ին միանում է Կուբայի «Ժողովրդական» կուսակցութեանը, որը նաեւ յայտնի էր որպէս «ուղղահաւատ կուսակցութիւն»: Ֆիդել Կաստրոն նոյն տարում դառնում է յիշեալ կուսակցութեան ձախակողմեան թեւի գլխաւորը:

Եւ ի վերջոյ Կաստրոն իր քաջ ու նւիրական ընկերոջ՝ Չէ Գեւարայի հետ միասին 1959-ին տապալելով «Բատիստայի» իշխանութիւնը դառնում է Կուբայի առաջնորդը, որը շարունակւում է մինչեւ 2008 թւական, երբ նա հիւանդութեան պատճառով, իշխանութիւնը յանձնեց իր եղբորը՝ Ռաուլին:

Կաստրոյի կեանքի ուշագրաւ բաժիններից կարելի է նշել այն, որ նա մինչ այսօր խոյս է տւել աւելի քան 638 մահափորձներից: Յիշեալ մահափորձների մեծ մասը կատարել են ԱՄՆ-ի գաղտնի գործակալները, որոնցից կարեւորագոյնը հանդիսանում է այն դէպքը, երբ ամերիկացի գործակալները փորձել էին նրա ծխախոտի մեջ տեղադրել պայթուցիկ նիւթ, որը պիտի պայթեր այն ժամանակ, երբ Կաստրոն պիտի ծխեր այն: Բայց այդ եւ նմանօրինակ հարիւրաւոր մահափորձները չեզոքացւել են Կաստրոյի թիկնապահների միջոցով:

Ֆիդել Կաստրոն իր պաշտոնավարութեան տարիներին յաջողել է իրականացնել կրթադաստեարակութեան, անվճար բժշկութեան եւ հանրային կենսաթոշակների լաւագոյն համակարգը աշխարհում:

Առողջապահութեան Միջազգային Կազմակերպութիւնն անգամներ գնահատել է Կուբային: Ֆիդել կաստրոն 1988-ին, ԱՄԿ կողմից մինչեւ 2000թ. յայտարարւած առողջապահութեան նոր ստանդարդների ծրագրի շարանում, ստացաւ կազմակերպութեան «Առողջապահութիւն բոլորի համար» մեդալը: Նա 1998-ին կրկին անգամ արժանացաւ այդ մեդալին:

Ֆիդել Կաստրոն 2008-ի Փետ. 24-ին ծանր հիւանդութեան հետեւանքով, իշխանութիւնը յանձնեց իր կրտւեր եղբայր՝ Ռաուլ Կաստրոյին:

Շարունակություն »

Երբ անշահախնդիր էս օգնում

Այսօր, մի բարեկամից ստացայ նամակ, որը սիրտս ու հոգիս գերեց: Նամակն ուղարկողը Նարինէ Կռոեանն էր, մի բարեկամ, որը երբեք չենք հանդիպել իրար, այլ պարզապես մտքերի փոխանակում ենք ունեցել ինտերնետով: Բայց արի ու տես, այս անգամ իր նամակը ոչ ինտերնետի մասին էր, եւ ոչ էլ հետաքրքիր կայքէջերի մասին, նամակը իր մեջ պարունակում էր շնորհակալական խօսքեր, մի Իրանահայից, որը հակառակ շատերին, անշահախնդրօրէն օգնել է Նարինէի հիւանդ որդուն: Նարինէն նաեւ ցանկացել է իմ բլոգի միջոցով շնորհակալութիւն յայտնել այդ բարերար մարդուն: 

Եւ ահա ձեզ եմ ներկայացնուն Նարինէի գրած նամակը, նոյնութեամբ, ու ցանկանում եմ Նարինէի շնորհակալական խօսքերին նաեւ աւելացնել իմ շնորհակալական խօսքը նոյն այդ բարերար անհատին ու նրա նման հարիւրաւոր բարերարներին, որը անշահախնդրօրէն իրենց օգնութիւնն են ցուցադրում կարիքաւոր ընտանիքներին:

Բարև Ձեզ, հարգելի Արթին:

Եթե հիշում եք, մի անգամ էլ եմ Ձեզ գրել:

Այսօրվա նամակս Ձեր բլոգի համար է: Ուզում եմ Ձեր բլոգի միջոցով շնորհակալությունս հայտնել այսօր ձեր կողքին ապրող մի հրաշալի անձնավորության` Մարտին Սոլեքհանին, ուզում եմ, որ մեր ամերիկաբնակ հայրենակիցներն իմանան, որ իրենց կողքին ապրում է բարի, անշահախնդիր մեկը, պարզապես մարդ , ով դժվարին պահին, ինձ չճանաչելով անգամ, օգնության ձեռք մեկնեց` ոչինչ չակնկալելով փոխարենը:

Որդիս հիվանդ է և մշտապես դեղի կարիք ունի: Նրա 8 հազ. դրամ թոշակը / նա 20 տարեկան է/ պարզապես չի բավարարում անգամ դեղորայի մի մասը գնելու համար: Դեղի օրական ծախսը 1000 դրամ է, և այդպես ամեն օր:

Մենք գիտեինք, որ Իրանում այդ դեղը կարելի էր ավելի մատչելի գնով ձեռքբերել: Եվ ահա պատահաբար քույրս հանդիպում է Մարտին Սոլեքհանին, ով առանց երկմտելու, պատրաստակամ ստանձնում է դեղը հայթայթելու մեզ համար բախտռորոշ խնդիրը: Նա առանց այդ էլ զբաղված էր, որովհետև պատրաստվում էր մեկնել Ամերիկա, սակայն ....մարդ էր: Շուտով դեղորայքը տեղ հասավ: Նա հրաժարվեց գումար վերցնել, պարզապես Մարտինի մայրը հեռախոսով խնդրեց աղոթել իր որդու համար, ինչը մենք սիրով ու երախտագիտությամբ անում ենք: Ուզում եմ ասել, որ այդ դեղից մենք հնարավորություն ունեցանք տալ ևս 3 հիվանդի` նրանց հարազատներին պատմելով Մարտինի մասին: Այնպես որ, մինչև դեկտեմբեր մենք բոլորս դեղի կարիք չունենք, և նորից ու նորից ասում ենք ու պիտի ասենք` Շնորհակալություն:

Աստված օրհնի քեզ, Մարտին Սոլեքհան:

Ամենաջերմ մաղթանքներով` 

Նարինե Կռոյան

Շարունակություն »

Անտեսանելի անտառային տնակ

Մի Շւեդացի, հայելիների օգնութեամբ մի անտառային տնակ է կառուցել ծառերի վրայ, որը նաեւ անտեսանելի է:

Ես սիրում եմ նման մարդկանց ստեղծագործ եւ սրամիտ արարքները:

Շարունակություն »

Պատմական իրադարձութիւնների տեսահոլովակների սիրահարներին

Չեմ կարծում գտնւի մէկը, որը չցանկանայ տեսնել առաջին շոգեմեքենայի օրիգինալ եւ պատմական տեսահոլովակը, եւ կամ Պուդսդամի կոնֆերանսը, ուր մասնակցում էր Ստալինն ու Չերչիլը եւ շատ աւելի նման հետաքրքիր պատմական իրադարձութիւնների տեսահոլովակներ:

Այո՛ նման հնարաւորութիւն այլեւս գոյութիւն ունի, եւ դա իրականանացրել է CriticalPast կայքէջը: Յիշեալ կայքէջում հաւաքագրւած են աւելի քան 57,000 պատմական իրադարձութիւնների տեսահոլովակներ եւ 7 միլիոն լուսանկարներ, սկսած 1890 թ. մինչեւ 1990 թ. :

Այս կայքէջն անձնապես ինձ շատ է հետաքրքրել եւ օրական անպայման մի քանի պատմական տեսահոլովակ պիտի դիտեմ կայքէջում, յոյս ունեմ, որ սա կը հետաքրքրի նաեւ ձեզ:


Յ.Գ. Պիտի աւելացնեմ, որ սոյն կայք էջում գոյութիւն ունի 10 տեսահոլովակ հայերին վերաբերող, այն էլ 1919 -ի օրերից: Հայերին վերաբերող տեսահոլովակները տեսնելու համար կարող էք սեղմել այստեղ:
Օրինակի համար կայքում գոյութիւն ունի 1919թ. Ամերիկացի գեներալ Ջեյմզ Հարբորդի հանդիպումը ՀՀ օրւայ վարչապետ Ալեքսանդր Խատիսեանի հետ: Յիշեալ տեսահոլովակը տեսնելու համար սեղմել այստեղ:

Շարունակություն »

Nibbo . Բարելաււած որոնում Google -ի հիման վրայ

Ես հիմնականում որոնման գործերը կատարում եմ աշխարհահռչակ Google -ի որոնման համակարգով: Բայց այս օրերին գտել եմ մի շատ հետաքրքիր կայքէջ, որն աշխատում է հէնց Google -ի հիման վրայ, բայց մի տարբերութեամբ եւ դա այն է, որ որոնում կատարելիս, բոլոր տւեալները, ինչպիսիք են կայքէջեր, նկարներ, տեսագրութիւններ, վիկիփեդիայում գոյութիւն ունեցող տեղեկութիւններ որոնւող թեմայի մասին, եւ այլ շատ ուրիշ տեղեկութիւններն ամբողջութեամբ յատնւում եմ մէկ էջի վրայ: Երկրորդ կարեւոր հատկութիւնն այն է, որ այլեւս գոյութիւն չունի "Next" կոճակները եւ էջը դիտելով բեռնաւորւում են յաջորդ էջերը:

Եւ այդ հետաքրքիր կայքէջի անունն է Nibbo : Նիբբոն մտադիր է բարելաւել որոնողական համակարգը համացանցում եւ իմ կարծիքով դա յաջողւել է Նիբբոյի ստեղծողներին:

Առաջարկում եմ դուք էլ օգտագործեք Նիբբոն եւ կը համոզւէք, որ որոնումն աւելի յաճելի կը դառնայ ձեր համար:

Շարունակություն »

Աշխարհի ճակատագիրն այլկերպ կարող էր լինել

Արդեօք գիտէք այս նկարչութիւնների հեղինակն ո՞վ է:

Նախ դիտէք նկարները:

Ինչպես որ պարզ է վերջին նկարչութեան ներքեւի ստորագրութիւննից, այս նկարչութիւնների հեղինակը Նացիստական Գերմանիայի առաջնորդ Ադոլֆ Հիտլերն է:

Այո, Հիտլերը երիտասարդ հասակում մտադիր էր մուտք գործել Վիենայի գեղագիտական ակադեմիա: Բայց յիշեալ ակադեմիան նրան չընդունեց եւ տարիներ անց, երիտասարդ Հիտլերը գարեջրատան մէջ, գտաւ իր կեանքի ուղին, դառնալով Գերմանիայի առաջնորդ եւ դիկտատոր: Եւ այլեւս բացատրութեան կարիք չկայ թէ աշխարհը ինչ ճակատագիր ունեցաւ նրա նախագահութեան օրոք:

Բայց իրոք աշխարհը ի՞նչ ճակատագիր կունենար եթէ Վիենայի ակադեմիան Հիտլերին ընդուներ որպէս ուսանող:

Շարունակություն »

TED-ը ահա հայերէնով

Արդեօ՞ք ծանօթ էք TED-ի հետ: TED-ը ոչ շահադիտական մի կենտրոն է, որը զբաղւում է հանրայայտ գիտնականներին, մտաւորականներին ու ստեղծագործներին իրար շուրջ հաւաքելով եւ բազմաթիւ հետաքրքիր թեմաների մասին դասախօսութիւններ ներկայացնելով:

TED-ը ունի մի հարուստ կայքէջ նաեւ, որտեղ հնարաւութիւնն կունենաք տեսնել այդ դասախօսութիւնների տեսաժապաւենները: Եւ դրանից աւելի հետաքրքիրն այն է, որ տեսաժապաւենները թարգմանւած են բազմաթիւ լեզուների, դրանց շարքում նաեւ հայերէնի, որը կարծեմ հետաքրքրելու է նաեւ այն անհատներին, որը անգլերէն լեզւին ծանօթ չեն:

Ճիշտ է, որ հայերէնով թարգմանւած տեսաժապաւենները թւով քիչ են, բայց եւ այնպէս յուսալու տեղիք է տալիս: Հայերէնի թարգմանւած ֆիլմերը հնարաւոր է գտնել այստեղ: Նաեւ պիտի աւելացնեմ, որ այդ ֆիլմերը հնարաւոր է նաեւ քաշել ինտերնետից ու պահել սեփական համակարգիչում:

ԹԵԴ -ը համարւում է բաց համակարգ, ուր բոլորը հնրաւորութիւն ունեն թարգմանել զանազան ֆիլմեր ու դառնալ կազմակերպութեան թարգմանիչ: Հայերէն բաժնի ֆիլմերը թարգմանելու գործում կազմակերպութեան հետ համագործակցում են եօթ հայորդիներ, նրանք են.

1. Քրիստինէ Սարգսեան
2. Լուիզա Յակոբեան
3. Արմենուհի Հովագիմեան
4. Գոհար Պալեան
5. Շուշան Դաւթեան
6. Նարեկ Սեֆերին
7. Գոհար Խաչատրեան

Յոյս ունեմ, որ այս թարգմանիչների թիւը օր օրին կզարգանայ եւ մենք հնարաւորութիւն կունենանք աւելի շատ ֆիլմեր տեսնել հայերէնով:

Նաեւ մի առաջարկ մեր հայկական հեռուստաալիքներին, սիրելիներ, ռուսերէն ֆիլմերով ձեր ալիքի բաց ժամերը լցնելու փոխարեն արդէն հնարաւորութիւն ունեք օգտւել թարգմանւած այս հիանալի ֆիլմերից եւ զարկ տաք մեր երկրի երիտասարդների գիտելիքներին:

Ահա որպէս օրինակ ձեզ եմ ներկայացնում Դերեկ Սիւերի կարճ դասախօսութիւնը «Ինչպե՞ս հասարակական շարժում սկսել» խորագրով:

Շարունակություն »

Օտարալեզու դպրոցների վերաբացմանը դե՞մ են

Արդէն մէկ ամիս է, ինչ ընտանիքով  հաստատւել եմ հայրենիքում: Այս օրերին երբ զբաղւած եմ տանս հարցերով, նաեւ հետաքրքրւում եմ Երեւանի հասարակական ու քաղաքական անցուդարձերով: Վերջին ժամանակներում, երբ խորհրդարան են տարել օտարալեզու դպրոցների վերաբացման հարցը, հասարակութեան մէջ առաջացել է մի շարժում, որը կոչւում է «Մենք դեմ ենք օտարալեզու դպրոցների վերաբացմանը»: Շարժումը բաղկացած է ակտիւ երիտասարդներից եւ պիտի ասեմ, որ գնահատելի աշխատանք են կատարում իրենց նպատակի համար:

Հասարակութեանը զուգահեռ, նաեւ որոշ կուսակցութիւններ փորձեցին կանգնել ժողովրդի կողքին, յայտարարելով թէ իրենք էլ դեմ են նման դպրոցներ վերաբացելու հարցում: Պարզապես հետաքրքիր է, որ այդ քաղաքական կուսակցութիւնները դպրոցների հարցում դեմ են օտարալեզու կրթութեան հետ, բայց հէնց նրանք իրենց հեռուստաալիքներով շարունակում են ցուցադրել ռուսերէն լեզւով ֆիլմեր ու մուլտիկներ: Այս հարցում միայն բացառւում են Հանրային Առաջին ալիքը եւ մասամբ Շանթ հեռուստաալիքը: Վերջերս նաեւ այդ շարքին է միացել «Երկիր Մեդիա» հեռուստաալիքը շնորհիւ «Ծովի Տիրակալ» կորեական հեռուստասեռիալով: Բայց դժբախտաբար թէ «Երկիր Մեդիան» թէ «Շանթը» եւ թէ հայկական այլ բոլոր հեռուստաալիքները օրւայ տարբեր ժամերում իրենց ծրագրերի բացը լրացնելու համար ցրում են ռուսերէնով վերապատրաստւած ֆիլմեր: Ճիշտ է, որ ներկայ պայմաններում բոլոր ֆիլմերը հայերէնի թարգմանելու հնարաւորութիւն չկայ, բայց միեւնոյնն է, եթէ դեմ ենք օտարալեզու դպրոցների վերաբացմանը, սեփական մայրենի լեզուն պահպանելու նպատակով, մենք իրաւունք չունենք նոյն օտարալեզու մշակոյթը ֆիլմերի ու մուլտիկների միջոցով մտցնել ժողովրդի տները, ուր ապրում ու աճում են նաեւ մանուկներն ու պատանիները:

Պարզապես օտարալեզու դպրոցների դեմ լինելը լաւ ցանկութիւն կարող է լինել կուսակցութիւնների ու հեռուստաալիքների համար, բայց դրանք չեն կարող խօսքի սահմաններում մնան, այլ ցանկութիւնները բացականչելով տւեալ կուսակցութիւններն ու հեռուստաալիքները պատասխանատւութիւն ու պարտաւորութիւն են առաջացնում իրենց համար:

Ուրեմն եթէ դեմ ենք օտարալեզու դպրոցների վերաբացման հետ, նաեւ պիտի դեմ լինենք օտարալեզու եթերների հետ, կամ աւելի ճիշտ պիտի պայքարենք հայկական դպրոցներ ու եթերներ ունենալու համար:

Շարունակություն »

Երբ ռոբոթը բլիարդ է խաղում

Ահա ռոբոթները փորձում են մուտք գործել մեր մարդկային կեանքի ամբողջ ասպարեզներում: Եւ ահա ռոբոթները սկսում են բլիարդ խաղար, հնարաւոր է գայ մի օր երբ ակումբ գնալիս պիտի մրցենք բլիարդ խաղացող ռոբոթների հետ:

Շարունակություն »

Ֆուտբոլն ամեն ուր է լինում

Շարունակություն »

Ինչո՞ւ մետաղադրամների անկիւնները հարթ չէ

Արդեօք գիտեք թէ ինչո՞ւ մետաղադրամների անկիւնները հարթ չէ, կամ այլ կերպ ասած, ինչո՞ւ մետաղադրամների անկիւնները խորդ ու բորդ է:

Շատերը կարծում են թէ դա մետաղադրամների պատրաստման եղանակն է, թէ մետաղադրամը այդպէս պիտի լինի: Բայց իրականում դրա պատճառը այլ խնդիր է:

Հին ժամանակներում, երբ դրամները պատրաստւում էին ոսկուց եւ արծաթից, որոշ մարդիք դրամների անկիւնը տաշելով փորձում էին առանց դրամին վնասելու, ոսկի կամ արծաթ ստանալ: Այդ պատճառ եղաւ, որ այն ժամանակներում դրամները արժեզրկւեն: Այդ իսկ պատճառով օրւայ ղեկավարնեը փորձեցին այդ խորդ ու բորդերը առաջացնելով արգելել նմանատիպ գողութիւնները:

Իսկ այսօր, որ դրամները առհասարակ մետաղից են պատրաստւում, այդ խորդ ու բորդերը պարզապէս դառնում են պատմութիւնից եկած եւ սովորութիւններում խարսխւած մի պատկեր, այլ ոչ ուրիշ բան:

Շարունակություն »

Միլիոնում միայն մէկը. Գլոբալիզացիայի արդի՞ւնք թէ՞ ...

Գեղեցիկ աչքեր են, այդպէս չէ՞:

Գիտական հետաքննութիւնների համաձայն, Աֆրօ-Ամերիկեան ցեղախմբում կապոյտ աչքերով երեխայի ծնւելու հաւանականութիւնը միլիոնում միայն մէկ հոգի է:

Առհասարակ սեւամորթների մէջ լինում են մարդիք սրջագոյն, մոխրագոյն կամ կանաչ աչքերով, բայց այս իւրահատուկ խնդրում, աֆրօամերիկեան ցեղախմբի բոլոր յատկութիւնները ունեցող երեխան ծնւել է կապոյտ աչքերով, որը ըստ գիտնականների, նման դեպքը աննախընթաց է: Կարծես գլոբալիզացիան, ոչ միայն փոփոխել է մեր կենսաձեւը, այլ նաեւ արդէն ազդում է մարդու գեների վրայ:

Այս փոքրիկը, որը հիմա 19 ամսեկան է, իր մէկ տարեկանից ապահովւել է զանազան ապահովագրական ընկերութիւնների միջոցով, ունի բազմաթիւ լուսանկարներ, եւ հաւանաբար շատ շուտով էլ յայտնւելու է բազմաթիւ կինոների ու ամսագրերի մէջ:

Շարունակություն »