Հարցադրումների անձնական կայքէջ եւ էլ-այցեքարտ

Լինում է պահեր, երբ ցանկանում ենք հարց ուղղել մի անհատի եւ պատասխան ակնկալել: Այդ պարագայում պիտի գտնէք այդ անհատի էլ-Պոստի հասցէն, կամ Ֆէյսբուքի անձնագիրը եւ ... :

Բայց այսօրւայ զարգացած համացանցում կան հնարաւորութիւններ, որոնք մեր գործը հեշտացնում են: Օրինակի համար կարելի է ստեղծել անձնական հարցադրութմերի կայքէջ, ուր բոլորը հնարաւորութիւն կունենան հարց ուղղել մեզ: Նաեւ գոյութիւն ունի բազմաթիւ կայքէջեր, որոնք մեզ հնարաւորութիւն են տալի այն տեղ ստեղծել մեր էլ-այցեքարտը: Ահա դրանց մասին:

1- Formspring (Հարցադրումների կայքէջ)

Այս կայքէջը հասանելի է հետեւեալ հասցէում www.formspring.me , այս կայքում անդամագրւելով հնարաւորութիւն կունենաք ստեղծել ձեր անձնական հարցադրումների էջը:

Իմ անձնական էջը գտնւում է հետեւեալ հասցէում  http://www.formspring.me/artinarakel

Իմ այդ էջը նաեւ հասանելի է այս բլոգի աջ սիւնակում:

2- Dooid (էլ-այցեքարտ)

Այս կայքէջի հասցէն է http://dooid.com/ ուր հնարաւորութիւն կունենաք ստեղծել ձեր էլեկտրոնային այցեքարտը ու տրամադրել ում որ կը ցանկանաք:
Այս կայքէջը ձեզ հնարաւորութիւն կը տայ, որ այլ կայքէջերում եւ հասարակական ցանցերում ունեցած ձեր անձնանունները մեկ տեղ խմբագրելով, մի պատշաճ ու կարեւոր տեղեկութիւն փոխանցել այցելուներին:

Իմ էլ-այցեքարտը գտնւում է հետեւեալ հասցէում www.dooid.com/artinarakel/

Շարունակություն »

Թուիթերի օգնութեամբ, մայրը գտաւ իր կորած զաւակին

Հանրայայտ Թուիթեր կոչւող հասարակական ցանցը կրկին հրաշկ գործեց: Նրանք, որ զբաղւում են Թուիթերով պիտի յիշեն Հնդկաստանում կատարւած անցեալ տարւայ ահաբեկչական ակտը եւ Թուիթերի կարեւորութիւնը:

 Այս անգամ կրկին Թուիթերը հրաշք գործեց եւ Չիլիացի մայրը, որը երկրաշարժից յետոյ կորցրել է իր զաւակին, Թուիթերի միջոցով գտնում է նրան:

Դժբախտ մայրը երկրաշարժից անմիջապէս յետոյ իր Թուիթերում մի պատգամ է գրում, եւ յայտարարում թէ իր զաւակը կորել է: Բազմաթիւ անհատներ այդ պատգամը տեսնելով փորձում են « Chile Earthquake Person Finder » կոչւող կայքում, որը ստեղծւել էր Գուգլի միջոցով, վերարտատպել դժբախտ մայրի պատգամը:

Երկու ժամ անց միայն, մի անհատ անձնական պատգամ է գրում վերոյիշեալ մօրը եւ նրան յայտնում, որ իր զաւակը ողջ ու առողջ է եւ շուտով կը միանայ իր մայրիկին:

Եւ այսպէս կրկին անգամ ապացուցւեց հասարակական ցանցերի հզօրութիւնն ու կարեւորութիւնը:

Շարունակություն »

«Google Earth Pro» հիանալի ծրագիրը

Արդէն բոլորին ծանօթ է Գուգլ ընկերութեան հիանալի «Google Earth» նախագիծը, որի շնորհիւ հնարաւորութիւն ենք ունենում զննել մեր երկիր մոլորակը, երկնքից: Բազմաթիւ երկրներ նաեւ դեմ են դուրս եկել այդ նախագծին, հիմնաւորելով թէ այդ նախագիծը լաւագոյն օգնական կարող է հանդիսանակ միջազգային ահաբեկիչներին:

Այդ բոլորը մէկ կողմ դրած, այդ նախագիծը կարելի է համարել 21-րդ դարի առաջին տասնամեակի լաւագոյն նախագիծներից մէկը:

Եւ ահա ձեզ եմ տրամադրում այդ նախագծի վերջին ու նաեւ օրիգինալ տարբերակը, որը կոչւում է «Google Earth Pro»: Պիտի աւելացնեմ, որ այդ ծրագիրը ԱՄՆ-ում արժում է 400$ :

Download Google Earth Pro Original Copy Cracked

18.4 MB

Շարունակություն »

Սխալ ուղարկւած էլ.նամակների վերադարձնելը հնարաւո՞ր է

Արդեօք ձեր համար պատահել է այն վիճակը, երբ էլ.նամակը ուղարկելուց յետոյ անդրադարձել էք, որ դա սխալ անհատի էք ուղարկել ու ցանկացել  թէ երանի լիներ մի միջոց այդ սխալ նամակը վերադարձնելու համար: Մինչ այսօր այդ հնարաւորութիւնը գոյութիւն չուներ, բայց Գուգլ ընկերութեանը պատկանող GMAIL ծառայութիւնը ,իր անդամների համար առաջացրել է այդ կարեւոր հնարաւորութիւնը:

Այդ հնարաւորութիւնից օգտւելու համար նախ պիտի մուտք գործել ձեր GMAIL-ի մէջ, յետոյ սեղմել setting յղումը եւ այնտեղ ընտրել Lab բաժինը:

Lab բաժնում պիտի գտնել undo send փլագինը, ու ակտիւացնել այն:

Այս բոլորը շտկելուց յետոյ, այսույետ հնարաւորութիւն կունենաք, իւրաքանչիւր նամակ ուղարկելուց յետոյ, դա չեղեալ յայտարարել ու վերադարձնել:

Շարունակություն »

Աշխարհի ամէնաարդիական բանդի բացումը

Յաջորդ ամիս, Նորւեգիայում բացւելու է աշխարհի ամէնաարդիական բանդը, որը ունի գեղեցիկ եւ արդիական դիզայն: Բանդը գտնւում է Նորւեգիա եւ Շւեցիայի սահմանագծում ու 252 հոգու բնակւելու տարողութիւն ունի: Բանդի կառուցման համար ծախսւել է մօտ 217 միլիոն դոլար:

Բոլոր բանդախցերը ունեն LCD հեռուստացոյց, բաղնիք եւ դէպի դուրս բացւող պատուհան: Բանդի ու խցերի լուսաւորումը, որը շատ բնական եւ վառ է, կատարել է հանրայայտ Ֆիլիփս ընկերութիւնը:

Բանդի պատասխանատուների խօսքերի համաձայն, այս բոլոր հնարաւորութիւնները դրա համար են, որ բանդարկեալները շատ աւելի հէշտ ու արագ վերադառնան հասարակութիւնը: 
Վերոյիշեալ բանդը կոչւում է "Halden" բանդ:

Ներքեւի նկարները դիտելով, պիտի խնդրեմ չդիմել համեմատութեան...:

 

  

  

  

Շարունակություն »

Աշխարհի ամէնամեծ օդանաւի գերեզմանոցը

Google Earth -ը առաջին անգամւայ համար, մի լուսանկար է հրապարակել աշխարհի ամէնամեծ օդանաւների գերեզմանոցից, որը գտնւում է ԱՄՆ-ի Արիզոնայում:

Յիշեալ գերեզմանոցը մօտ 4 հազար մայլ մեծութիւն ունի եւ աւելիքան 4000 հին օդանաւ է իր մեջ պարունակում:

Այդ շրջանը ամբողջութեամբ տեսնելու համար կարող էք այցելել Google Map կայքէջը:

Շարունակություն »

Աստղադիտարանը ձեր համակարգիչում

Մանկութեան տարիներում, շատ շատերի համար աստղերին ու մոլորակներին դիտելն ու զննելը գլխաւոր հաճոյք էր համարւում, նա մանաւանդ այն ժամանակ, երբ տարեդարձին մի փոքրիկ ասղադիտակ էինք ստանում որպէս նւեր:

Պիտի ասել, որ հաճոյքը միայն մանուկներինը չէ եւ բոլոր մարդիք, անկախ իրենց տարիքից, աստղադիտութեամբ մեծ հաճոյք են ստանում:

Այսօր երբ ապրում ենք զագացած գիտութեան ու տեխնոլոգիայի դարում արդէն հնարաւորութիւն ունենք աստղերին դիտել հէնց մեր տան համակարգիչի միջոցով: Դա արդէն մեզ համար հնարաւոր է դարձրել «Մայկրօ Սաֆտ» ընկերութիւնը իր World Wide Telescope ծառայութեան միջոցով:

«Մայկրօ Սաֆտ» -ի այդ ծառայութիւնը այնքան հետաքրքիր է, որ բոլորը, եթէ անգամ ծանօթութիւն չունեն մոլորակների մասին, հնարաւորութիւն ունեն իրենց համակարգչի միջոցով անվճար ձեւով զբոշրջութեան գնան դէպի մոլորակ:

Յոյս ունեն բոլորդ հաճոյք ստանաք այդ զբոսաշրջութիւնից:

»»» World Wide Telescope  «««
Կայքէջի հիմնական էջի »»»  World Wide Telescope 
Ծառայութեան մասին տեղեկութիւն Վիքի Փեդիայում »»»  World Wide Telescope 

Շարունակություն »

Եղելութիւնը Ձեր ծննդեան տարում

Եթէ ցանկանում էք իմանալ, թէ Ձեր ծննդեան տարում ինչ է եղել աշխարհի եղելութիւնը, կարողէք այցելել whathappenedinmybirthyear կայքէջ եւ գրէք ձեր ծննդեան տարեթիւը ու կարդալ:  

Այն ինչ, որ ինձ պարզւեց այն էր, որ տւեալ կայքէջը մի քանի սահմանափակ եղելութիւն է թւարկում միայն, մեծ մասամբ կապւած գրական եւ կինօ աշխարհին, բայց էլի հետաքրքիր է:

Շարունակություն »

Տրնդէզին ընդառաջ (որը երբէք քրիստոնեական տօն չի դառնայ)

Տնրդէզ է կրկին, Վահագն Աստծոյ ծնունդը:

Տ ր ն դ ե զ

Հատված “Ուխտագիրք Արորդյաց”-ից
(հեղ.` հանգուցյալ քրմապետ Սլակ Կակոսյան)

Արի Մանը (Մարդը) հավաքեց Արիներին՝ դիմեց նրանց.
- Սիրելի ազգակիցնե՛ր, ես Վահագն Աստծուն եմ տեսել, Վահագնի մոտից եմ գալիս եւ Վահագնի աստվածային պատգամն եմ բերել ձեզ: Շուտով Աստվածային Երկունք է լինելու, եւ ապա գալու է Վահագնը, փրկելու մեր Ցեղը Վիշապի պիղծ ճիրաններից: Եկե՛ք Արագած լեռան հազար ու մի գանձերը պեղենք եւ Աստվածային Երկունքի կրակով կռենք մեր զորության թուր-կեծակին: Գարնան առաջին Արեւով կգա Վահագնը, կօծի մեր թուր-կեծակին, եւ մենք կհաղթենք Չարի Տիտաններին եւ կազատենք մեր Արարատը:
Սակային չլսեցին Արիները Մանին: Սկզբից բռունցք ճոճեցին վրան, հայհոյեցին, անհավատ եւ անհնազանդ անվանեցին: Հետո սկսեցին ծաղրել նրան, համարեցին խելագար ու հեռացան:
Արի Մանը մնաց միայնակ: Եվ միայնակ գնաց գանձեր պեղելու: Փորում էր նա Արագածի կուրծքը: Նրա բրիչի հարվածները արձագանք էին տալիս լեռնաստանով մեկ: Նա շտապում էր՝ շուտով սկսվելու էր Աստվածային Երկունքը, եւ ինքը պետք է պատրաստ լիներ:
Արի Մանի բրիչի հարվածները, արձագանք տալով, գրգռում էին կասկածամիտ Արիների հետաքրքրասիրությունը: Ամբոխը հավաքվում էր Արի Մանի շուրջը: Ծաղրում էին նրան, հայհոյում, երբեմն նաեւ քարեր շպրտում նրա վրա: Բայց ամենին անհաղորդ, Արի Մանը համառորեն շարունակում էր պեղել:
Արի Մանի այդ ինքնավստահ համառությունը ճնշում էր ամբոխին: Ամբոխը սսկվում էր: Հեգնանքը տեղի էր տալիս երկյուղալի զգուշավորության: Արիներն այլեւս չէին ծաղրում Արի Մանին, քար չէին նետում նրա վրա. մի ներքին երկյուղով նահանջում էին ու հեռվից դիտում էին Արի Մանին` առանց հասկանալու, թե ինչ է անում: Միայն ներքին զգացողությամբ կռահում էին, որ մի շատ ահավոր բան է նյութում: Եվ որքան զգուշանում էին, այնքան նրանք ընկճվում էին Արի Մանի զորության առջեւ:
Արի Մանը իր մեջքը ուղղեց միայն այն ժամանակ, երբ պեղված հազար ու մի գանձերը բազմագույն ճառագում էին առավոտյան արեւի տակ: Նա սրբեց ճակատի քրտինքը ու նայեց երկինք:
Հեռվում, շատ հեռվում կարծես մի կարմիր նուռ էր պայթել, եւ հյութը ծորում էր ներքեւ: Հասկացավ Արի Մանը, որ Երկունքը սկսվում է: Նա դիմեց հավաքված ամբոխին, որ երկյուղից չէր հանդգնում մոտենալ նրան:
- Արինե՛ր,- կանչեց Արի Մանը,- նայե՛ք երկինք, Աստվածային Երկունքն է սկսվում, մեր զորության արշալույսն է բացվում:
Արիները նայեցին երկինք եւ սարսափած վայնասուն բարձրացրին.
- Աստծո պատի՜ժն է սա, Արի Մանի կատարած ահավոր մեղքի համար Վիշապ Աստվածը պատժում է բոլորիս. – սա աշխարհի վե՜րջն է…
Եվ փախան Արիները, մտան տները, ամուր փակեցին դռներն ու լուսամուտները:
Դրսում սկսվել էր Աստվածային Երկունքը, իսկ տներում սարսափած Արիները խավարի մեջ հուսահատ աղոթում էին:
Աստվածային Երկունք էր:
Երկնի երկունքից, Երկրի երկունքից եւ ծիրանագույն ծովի երկունքից, ծիրանի ծովում եղեգն էր երկնում: Եղեգան փողից ծուխ էր ելանում, եղեգան փողից բոց էր ելանում՝ հուր աստվածային, երկինք էր ձգվում, հասնում արեւին եւ միահյուսվում արեւի բոցին: Արեւը երկնից կրակ էր ցայտում ճաճանչների տեղ, բազում կայծակներ իրար էին խաչվում՝ հոշոտում երկնի կապույտը լազուր, որոտն էր ահեղ արձագանք տալիս աստղերից վերեւ: Երկունքի ցավից Երկիրն էր տնքում, հողն էր կտրատվում ուժգին ցնցումից ու Երկրի խորքից՝ հրաբուխ ժայթքում, եւ հուժկու ալիք ահեղ ոռնոցով գրոհում էին մայր ցամաքի վրա: Երկո՜ւնք էր, Երկո՜ւնք Աստվածային:
Սարսափած Արիները փակված էին տներում, ողբում էին աշխարհի վերջը, անիծում էին Արի Մանին, անիծում էին Երկունքը, որպես չարագուշակ նախախնամություն: Ծնկի իջած, աղոթում էին Վիշապին, որ պատժի Արի Մանին, ոչնչացնի նրան եւ փրկի իրենց:
Բայց անզոր էր Վիշապը Երկունքի զորությունը կանխելու: Վիշապը ինքն էր սարսափած ոռնում` իր մոտալուտ մահը կանխազգալով:
Եվ միայն Արի Մանն էր ողջունում Աստվածային Երկունքը: Նա վազեց ծովափ, եղեգան փողից ժայթքող աստվածային կրակով իր ջահը վառեց: Եվ ջահը ձեռքին շրջում էր տնե տուն, բախում էր դռները եւ կանչում.
- Հե՜յ, Արինե՛ր, բացե՛ք ձեր դռներն ու լուսամուտները, աշխարհի վերջը չէ սա, աշխարհի սկիզբն է: Վահա՜գն է ծնվում՝ փրկության Աստվա՛ծ: Դո՛ւրս եկեք, փայտե՛ր դիզեք, խարույկնե՛ր վառեք աստվածային կրակով, Տրնդե՛զ սարքեք. – թող աստվածային կրակով բացվեն ձեր աչքերը, թող ձեր սրտերը բոցկլտան այս կրակով: Օծվե՛ք այս աստվածային կրակով եւ վերականգնե՛ք ձեր մեջ աստվածային զորությունը:
Շատ քիչ դռներ բացվեցին: Միայն զորավորները հանդգնեցին նայել աստվածային կրակին: Խարույկներ սարքեցին ու վառեցին աստվածային կրակով: Այդ կրակը խփեց նրանց դեմքերին, եւ նրանց միջից բոլորովին չքացավ սարսափը, զորացան նրանք եւ իրենց աստվածներ զգացին: Պար էին բռնում տրնդեզված կրակի շուրջ, ձոներգեր էին հյուսում, փառաբանում էին Արային ու Վահագնին, իսկ ջահել հարսները, որ մայրանալու կարոտ ունեին, թռչում էին այդ աստվածային կրակի վրայով, օծելու համար իրենց արգանդը, որ իրենք էլ ծնեն Վահագնանման Արի զավակներ:
Իսկ Արի Մանի ահեղ մուրճի հուժկու հարվածները արձագանքում էին ողջ Արարատում եւ Վիշապի գանգերի մեջ: Արի Մանը հազար ու մի գանձերն էր հալեցնում տրնդեզված աստվածային կրակով եւ դարբնում էր իր թուր-կեծակին:
Շատ քիչ Արիներ՝ միայն նրանք, ովքեր օծվեցին տրնդեզված աստվածային կրակով ու զորացան, միայն նրանք միացան Արի Մանին:
Քառասուն օր աստվածային կրակը տրնդեզված պահպանվում էր, եւ քառասուն օր իրենց աստվածայնությունը զգացած Արիները պարում ու երգում էին այդ կրակի շուրջը: Եվ քառասուն օր Արարատում զրնգում էին մուրճերի հարվածները՝ Արի Մանը մի խումբ զորացած Արիների հետ կռում էր փրկության աստվածային զենքը:

Շարունակություն »

Հայկական հարցի լուծման շուրջ

Նիկողայոս Ադոնցի՝ Հայկական հարցի լուծման շուրջ, հետաքրքրական գիրքը արդէն հրապարակել եմ այստեղ եւ ցանկացողները կարող են դա ստանալ ներքեւում նշւած յղումի միջոցով:

Բեռնաւորել ( Download )

Շարունակություն »

Բայց մինչեւ ե՞րբ

Այս շաբաթւայ աւարտին կայացաւ «Հայ Դատն Այսօր» 7-րդ խորհրդաժողովը: Արդէն եօթը տարի է ինչ կայանում է այդ հետաքրքրաշարժ խորհրդաժողովը, որի շնորհիւ Իրան են այցելել բազմաթիւ հայ մտաւորակններ ու քաղաքական գործիչներ, ինչպիսիք են եղել Հրանտ Դինքը, Աշոտ Մելքոնեանը, Արմէն Այւազեանը, Հայկ Դեմոեանը եւ այլք:

Բայց այս բոլորով հանդերձ, այս խորհրդաժողովը կարծես վերածւում է աւանդութեան, ոչ թէ աւանդութիւն դարձած միջոցառումներն ու խորհրդաժողովները վատ բան են, բայց այս պարագայում կարծես մենք միայն կազմակերպում ենք խորհրդաժողովը, որի ընթացքում մարդիք գալիս, խօսում, առաջարկում եւ գնում, ու վերջում էլ մենք այդ խորհրդաժողովի դասախօսութիւնները մի գրքով հրապարակում ենք, եւ վերջ:

Ժամանակին, երբ դեռ 4 կամ 5 խորհրդաժողով էր տեղի ունեցել, մի քանի ընկերներիս հետ մեկտեղ, ՀՈՒՍԿ հաստատութեանը, որը այդ խորհրդաժողովի կազմակերպիչն է, առաջարկեցինք կեանքի կոչել մի յանձնախումբ, որը լուրջ ուսումնասիրութեան պիտի յանձնի այս տարիների խորհրդաժողովներում հնչած առաջարկները, եւ դրանց ընդմիջից պիտի արտահանի մի խտացւած եւ նոր ռազմավարութիւնը ու մարտավարութիւն, որը նոր շունչ ու եռանդ պիտի պարգեւի մեր հայ դատի պայքարին, այսօր:

Իւրաքանչիւր խորհրդաժողով չի կարող ինքնանպատակ լինել, այլ մի յստակ նպատակի համար է, ինչ կազմակերպւում են նմանօրինակ խորհրդաժողովներ, եւ եթէ ցանկանում ենք նման խորհրդաժողովները տեւական լինեն, պիտի քանի տարի մէկ անգամ լուրջ քննութեան յանձնենք այդ տարիների խորհրդաժողովները, կազմւեն նոր գործելաոճ ու մարտավարութիւն եւ դրանից յետոյ է, որ  յաջորդ խորհրդաժողովները կարող են աւելի յաջող եւ հարուստ լինեն, բայց եթէ միայն այսպես շարունակւի մենք կը դառնանք հրատարակչական ընկերութիւնների նման մի կազմակերպութիւն, որը իր նիւթերը հարստացնելու եւ լրացնելու համար կազմակերպում է զանազան խորհրդաժողովներ ու հաւաքներ:

Արդէն եօթ տարի է ինչ կայանում է «Հայ Դատն Այսօր» խորհրդաժողովը, բայց մինչեւ ե՞րբ պիտի այսպէս շարունակւի: Այս հարցի պատասխանը կարելի է գտնել ՀՈՒՍԿ հաստատութեան պատասխանատուների մօտ: Ես անձնապես հաւատացած չեմ, որ ՀՈՒՍԿ հաստատութեան պատասխանատուների համար լոկ խորհրդաժողով կազմակերպելը նպատակ լինի, բայց թէ ինչու դեռ չենք գնահատել ու քննութեան յանձնել այդ եօթը դժւարին տարիների ընթացքում կայացած խորհրդաժղովների արդիւնքը, չգիտեմ:

Միայն վերջում ասեմ, որ եթէ պիտի լսւի մեր համեստ առաջարկը ու կեանքի կոչւի ուսումնասիրող մի անկախ յանձնախումբ, պիտի այդ յանձնախումբը համալրւած լինեն լուրջ մտաւորականներով ու քաղաքական գործիչներով, եթէ ոչ, այդ աշխատանքն էլ կը դառնայ ցուցական ու մակերեսային:

Շարունակություն »

Դինքը արդէն չկայ, բայց...

Երեք տարի է անցել, այն օրւանից, երբ արծունքներով յաւիտենական հրաժեշտ տւինք մեծանուն Հրանտ Դինքին:

Ես բախտ եմ ունեցել նրա հետ շփւել մօտիկից, երբ նա «Հայ Դատն Այսօր» համագումարին մասնակցելու համար այցելել էր Թեհրան:
Արդէն երեք տարի է ինչ Դինքը հեռացել է մեզանից եւ արդէն այն պահն է հասել, որ յուզմունքն ու կրքերը հանդարտւելով պիտի աւելի տրամաբանական եւ ռէալ մտածենք Դինքի մասին, թէ ո՞վ էր Դինքը եւ ինչ էր ներկայացնում իրենից:
Մի նախադասութեամբ կարելի է պատասխանել վերեւի հարցին. Հրանտ Դինքը անկախ եւ ինքնուրոյն մտածող մտաւորական էր, որը երբէք իրեն չսահմանեց խմբակցային նեղ սահմաններով: Նա գործեց, գրեց ու պայքարեց մի այնպիտի երկրում, ուր շատերը միայն տարին մէկ, այն էլ որպէս զբոսաշրջիկ այցելում են ու մի քանի պատմական վայրերում նկարւում, եթէ մի քիչ քաջութիւն ունենան մի թաքուն տեղում պատին գրում հայերէն մի քանի բառ, ու յետոյ սուս ու փուս հեռանում: Այո, խօսքը Թուրքիայի մասին է, այն Թուրքիան որը հալածել ու հալածում է հայ ժողովրդին: Եւ Դինքը ճիշտ այդ երկրում քաջութեամբ բացականչեց «ես ՀԱՅ եմ», այն ինչ շատերին արգելւում է, ու շատ ուրիշներն էլ հրաժարւում են դա արտայայտւելուց:
Այո, Դինքը անկախ մտաւորական էր եւ ճիշտ այդ պատճառով էլ միայնակ մնաց: Միայնակ մնաց որովհետեւ նա ցանկանում էր տեսնել ժողովրդավար դարձաց մի Թուրքիա, ուր ամբողջ ժողովուրդը, ինչ ազգութեան էլ որ պատկանեն, հաւասար իրաւունքներ պիտի ունենան, առանց խտրականութեան: Այդ մտքերը կարելի է ռոմանտիկ անւանել, եւ ճիշտ այդ պատճառով էր, որ Դինքը ասում էր «այո, ես ռոմանտիկ եմ»:
Նա իր պայքարի այդ ժամանակահատւածում պաշտպանում էր թուրքիայի հողային ամբողջականութիւնը եւ որեւէ անջատում չեր ցանկանում (այդ մասին ինքը ուղղակի ինձ ասաւ, երբ զրուցում էինք Ալիք օրաթերթի խմբագրատնում) : Եւ կարծես հէնց այդ իր մտքի համար էր, որ մեր աւանդական կազմակերպութիւնները նրան միայնակ թողին իր ծանր ու վտանգաւոր գործում: Շատերը, ինչպիսիք են Հիլդա Չոպոյեանն ու Միհրան Դաբաղը, նրան համարում էին թուրքիայի գաղտնի ծառայութիւնների գործակալ, մի տարբերութեամբ միայն, որ նա խօսում էր հայերէնով: Նաեւ ժամանակին եղան հրահանգ շրջաբերականներ որոնք օրգան համարւող օրաթերթերից պահանջում էին աւելի քիչ արձագանքել Դինքի մտքերը իրենց պատկանող թերթերում: Եւ այդպէս եղաւ, որ Հրանտ Դինքը միայնակ մնաց իր պայքարի ճամբում: Ճիշտ է ասեցի «իր պայքարի ճամբում», որովհետեւ մի կերպ կարծես այդ պայքարը դարձել էր Դինքի պայքարը, երբ մեծ թւով կազմակերպութիւններ միայն բաւարարւում էին նրան կեղծ քաջալերանքներ ու գովեստի խօսքեր շռայլել: Ինչո՞ւ մեր պատմութեան մէջ, միշտ էլ անկախ եւ ուրիշի կնիքով չկնքւած խիզախ ու քաջ մտաւորականները միայնակ են մնացել: Պատասխանը թողնում եմ մտածելու եւ խորհելու ունակութիւն ունեցող անհատներին:
Նշելի է նաեւ, որ Հրանտ Դինքը պատկանում էր այն մարդկանց փաղանգին, ովքեր հաւատացած էին քաղաքացիական ու առանց կոպտութեան պայքարին, ինչպիսին են եղել Գանդին, Մարտին Լուտեր Քինգը, Նելսոն Մանդելան եւ այլք: Նա հայկական իրականութեան մէջ ապացուցեց, որ առանց Ստամբուլը արեան դաշտի վերածելով էլ կարելի է պայքարել թուրքի դէմ եւ նրանից խլել այն, ինչը մինչ օրս անգամ չեր թոյլատրւում խօսել դրանց մասին: Բայց դժբախտաբար նա միայնակ մնաց եւ ճիշտ այդ պատճառով էլ թուրքի համար դիւրին եղաւ նրան ասպարեզից հեռացնելը, եւ ի վերջոյ էլ նրան հեռացրեցին ասպարեզից:
Հետաքրքիրն այն է, որ Դինքը միայն զոհւելուց յետոյ դարձաւ ազգային հերոս ու հազարաւոր մարդիք միայն այդ ժամանակ էր որ քաջութիւն ունեցան ասելու թէ «մենք էլ Հրանտ Դինք ենք» ... :
Եւ այսօր, արդէն երբ չկայ Դինքը, նրա լուսանկարները յայտնւում են ամէն ուր եւ մի կերպ դարձել է մեր դարաւով պայքարի նշանաբաններից մէկը, բայց կրկին անգամ նրա մտքերը մնում են միայնակ ու առանց պաշտպանի, ու անգամ եթէ լինեն մարդիք ովքեր համակրում են Դինքի գործելաոճին ու գաղափարին, չեն ցանկանում այդ մասին բարձրաձայն խօսել, որովհետեւ կայ այն վախը թէ իրենք էլ «դաւաճան», «լրտես», «թուրքիայի գաղտնի գործակալ» եւ նմանօրինակ պիտակներ ստանալով ,ճամբու կէսին միայնակ ու անպաշտպան մնալով կ՛արժանանան Դինքի ու նրա նմանների ճակատագրին:
Դինքը արդէն չկայ, բայց դեռ կայ ու կը գոյատեւի նրա կիսատ թողած պայքարն ու մտքերը:
Ասպարեզը բաց է, թող նրանք, որ կանչում էին «մենք էլ Հրանտ Դինք ենք» ասպարեզ իջնեն: Երանի որ միայն իրական Հրանտ Դինքերը ասպարեզ գան, թէ ոչ, կեղծ «մենք էլ Հրանտ Դինք ենք» կանչողները շատ են ամէն ուր, անգամ մեր համայնքում:

Շարունակություն »

Եգիպտոսի բուրգերը ստրուկների ձեռքով չի կառուցւել

• New find shows slaves didn't build pyramids

Ըստ Ասոշիէյթտ Պրես գործակալութեան հաղորդած լուրի համաձայ, եգիպտական բուրգերում վերջերս յայտնաբերւած նորութիւնների հիման վրայ, աւելի է զարգանում այն տեսակէտը, որ եգիպտական բուրգերը չեն կառուցւել ո՛չ ստրուկների եւ ոչ է հրեաների ձեռքով: Նախապես կար այն տեսակէտը, թէ ինչպէս որ վկայում է հին կտակարանում Եգիպտոսի փարաւոնը հրեաներին ստրկութեան բերելով, նրանց ձեռքերով կառուցեց հսկայ կառոյցներ:
Բայց այն ինչ, որ յայտնաբերւել է վերջին օրերին, այդ բուրգերի կառուցողները ստացել է գումար աշխատանքի դիմաց, ու նաեւ շուքով թաղւել հէնց մօտակայքում:

Յիշեալ յօդւածը ամբողջութեամբ կարողէք կարդալ այստեղ ու նաեւ դիտել ներքեւում տեղադրւած տեսաժապաւենը:

Շարունակություն »