Monday, July 04, 2011
Artin Arakelian
Իրանական Mehr գործակալության հաղորդմամբ՝ Իրանի նախագահ Մահմուդ Ահմադինեժադը հայտարարել է, որ շուտով յուրաքանչյուր իրանցի ընտանիքին 1000 քմ հողամաս է հատկացվելու, որից 200 քմ-ը հատկացվելու է շինարարությանը, իսկ մնացյալ 800 քմ-ը հատկացվելու է այգիներին:
Իրանի նախագահի փոխանցմամբ՝ այսօր Իրանում մոտ 20 միլիոն ընտանիք է ապրում, որոնց պիտի 1000 քմ հողամաս հատկացվի: Հիշյալ նախագծի արդյունքում Իրանի տարածքում բոլոր ընտանիքներին հատկացվելու է մոտ 2 միլիոն հեկտար հողամաս:
Ըստ Ահմադինեժադի՝ այդ նախագիծը նոր հեղափոխություն է քաղաքաշինության ոլորտում: «Արդեն 70 տարի է, ինչ ապրում ենք այն համակարգով, որը շատ թանկ արժե, իսկ եթե յուրաքանչյուր ընտանիքի հողամաս հատկացվի, և բոլորը տան տեր կլինեն, մեր քաղաքները կպատվեն հիանալի այգիներով: Այդ համակարգը նաև ավելի էժան է նախկինի համեմատությամբ»,- հայտարարել է Մահմուդ Ահմադինեժադը:
Արթին Առաքելյան
«Առաջին» Լրատվական
0 Պատգամ:
Post a Comment