Monday, July 04, 2011
Artin Arakelian
Իրանական Jahan News լրատվական կայքը, վկայակոչելով Չինաստանում Իրանի նախկին դեսպան Ջավադ Մանսուրիի հարցազրույցը Panjareh պարբերականին, հաղորդում է. «Ըստ Մանսուրիի՝ Ահմադինեժադի նախագահության առաջին իսկ օրվանից երկրի ԱԳ նախարարությունում լուրջ խնդիրներ առաջացան: Ահմադինեժադը դրական կարծիքի չէր Մոթաքիի մասին ու համարում էր, որ երկրի խորհրդարանն է նրան պարտադրել կառավարությանը:
Մոթաքիի նմանօրինակ հեռացումը լուրջ մտահոգություններ առաջացրեց իրանցի դիվանագետների շրջանակում, և այդ օրվանից ով որ առաքելությամբ պիտի մեկներ երկրից, ենթադրում էր, որ իրեն ցանկանում են ազատել պաշտոնից ու դրա համար էլ երկրից դուրս են ուղարկում:
Բայց Մոթաքիի պաշտոնավարության շրջանն էլ դրական արդյունքներ չուներ: Չինաստանում եղած ժամանակ չինացի պաշտոնյաները ասում էին, որ իրենք ցանկանում ենք դրական հարաբերություններ ծավալել Իրանի հետ, բայց դրա համար երկու խոչընդոտ կա. նախ այն, որ իրանցի պաշտոնյաները հաճախ փոփոխվում են, և երկրորդն էլ՝ իրանցի պաշտոնյաների խոսքերն էլ են շատ արագ փոփոխության ենթարկվում:
Ահմադինեժադը ցանկանում է, որ բոլոր նախարարությունները ենթարկվեն իրեն ու իրենից ուղղություն ստանան։ Այդ պատճառով էլ երկրում լուրջ խնդիրներ գոյություն ունեն:
Ալի Աքբար Սալեհին ԱԳ նախարար ընտրվելու համար մի նախապայմանի առջև էր կանգնած, և դա այն էր, որ նա նախարար եղած ժամանակ ոչ մի իրավասություն չպիտի ունենա և իր աշխատանքի ողղությունը պիտի ստանա նախագահական նստավայրից: Հետևաբար այսօր Իրանի ԱԳ նախարարությունը լիարժեք չի կարող աշխատել»։
Արթին Առաքելյան
«Առաջին» Լրատվական
0 Պատգամ:
Post a Comment