Thursday, June 02, 2011

Իրանը փոխելու է Սադաթին սպանած Խալեդ Սլամբոլիի պատվին փողոցի անվանումը

Իրանական Asr Iran լրատվական կայքը, վկայակոչելով եգիպտական Echorouk օրաթերթի հաղորդած լուրը, հայտարարել է, որ Իրանի իշխանությունները ի վերջո համաձայնել են փոխել Եգիպտոսի նախկին նախագահ Անվար Սադաթին սպանած Խալեդ Սլամբոլիի անվան փողոցի անվանումը՝ վերանվանելով այն «Եգիպտոսի հեղափոխության նահատակների փողոց»:

Asr Iran-ի մատուցմամբ, Իրան այցելած եգիպտացի մտավորականների պատվիրակության անդամ Մուսթաֆա Նաջարը, որը ներկայացնում էր Եգիպտոսի «Ադլ Նաջար» կուսակցությունը, Twitter սոցիալական ցանցի իր էջում նշել է, թե Իրանի բարձրաստիճան պաշտոնյաները հայտնել են, որ շուտով Խալեդ Սլամբոլի փողոցի անունը դառնալու է Եգիպտոսի հեղափոխության նահատակներ՝ ի հիշատակ Եգիպտոսի ժողովրդավարական հեղափոխության ժամանակ նահատակվածների:

Ավելացնենք, որ Եգիպտոսի իշխանությունները տարիներ շարունակ որպես Իրանի հետ հարաբերությունները վերսկսելու գլխավոր նախապայման էին ներկայացնում Խալեդ Սլամբոլի փողոցի անվան փոփոխությունը, ինչին իրանական իշխանությունները չէին համաձայնում:

Լուսանկարում՝ Խալեդ Սլամբոլին Եգիպտոսի նախկին նախագահ Անվար Սադաթի սպանության պահին:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը