Thursday, June 02, 2011
Artin Arakelian
Իրանի պահակազորում Իրանի առաջնորդ Այաթոլլահ Խամենեիի տեղակալ Հոջաթոլիսլամ Զոլնուռը, իրանական Fars գործակալության հետ զրույցում անդրադառնալով երկրի համակարգում ներթափանցած մոլորվածներին ու նրանց գործունեությանը՝ հայտարարել է. «Մոլորվածների ճամբարի պարագլուխները սերտորեն կապված են Իրանի նախագահ Մահմուդ Ահմադինեժադին, բայց հույս ունենք, որ այդ կապը շուտով կխզվի: Այսօր մոլորվածների ճամբարին նախագահից անջատելն ու հեռացնելը շատ դժվար է ու միայն այն ժամանակ հնարավոր կլինի դա կատարել, երբ նախագահը անձամբ իրենից կհեռացնի դավադիրների ու մոլորվածների գլխավոր պարագլխին»։
Զոլնուռը, իր խոսքերի շարունակության մեջ մատնանշելով ներթափանցած մոլորվածների գործողությունները՝ կապված խորհրդարանական ընտրությունների հետ՝ ավելացրել է. «Դավադիրների ճամբարը մտադիր էր խորհրդարանական առաջիկա ընտրություններում ձեռք բերել խորհրդարանի 150 մանդատ, որի միջոցով էլ մեծամասնություն կկազմեր ապագա խորհրդարանում: Բայց երկրի բարձրաստիճան պաշտոնյաների ջանքերով նրանց թաքուն գործողությունները բացահայտվեցին ու վնասազերծվեցին:»
Ավելացնենք, որ Իրանի պահպանողական ուժերի քննադատությունների գլխավոր թիրախն է Ահմադինեժադի գրասենյակի ղեկավարն ու խնամին՝ Էսֆանդյար Ռահիմ Մաշային:
Արթին Առաքելյան
«Առաջին» Լրատվական
0 Պատգամ:
Post a Comment