Thursday, June 02, 2011
Artin Arakelian
Իրանի առաջնորդ Այաթոլլահ Խամենեիի պաշտոնական կայքը հունիսի 1-ին հայտարարել է, որ երկրի առաջնորդին վերաբերող բոլոր մեջբերումներն ու հայտարարությունները պետք է պաշտոնական միջոցներով կատարվեն:
Հրապարակված հայտարարության մեջ նաև նշված է. «Նկատի ունենալով, որ ոմանք հայտարարություններ ու մեջբերումներ են կատարել երկրի առաջնորդի դիրքորոշումների ու որոշումների մասին՝ պիտի հայտարարենք, որ այդ բոլոր տեղեկությունները ոչ հավաստի աղբյուրներից են հասել հայտարարողներին: Ուստի դատապարտելով նմանօրինակ հայտարարությունները՝ մատնանշում ենք, որ Իրանի առաջնորդ Այաթոլլահ Խամենեիի բոլոր դիրքորոշումներն ու որոշումները պիտի հրապարակվեն պաշտոնական միջոցներով»։
Հիշեցնենք, որ ինչպես արդեն տեղեկացրել է «Առաջին լրատվականը», հունիսի 1-ին Իրանի առաջնորդի ներկայացուցիչ այաթոլլահ Աբդոլնաբի Նամազին հայտարարել էր, թե Ահմադինեժադի թիմակիցների ձերբակալությունները կատարվել են երկրի առաջնորդի հրահանգով: Հիշյալ հայտարարությունից ժամեր անց Այաթոլլահ Նամազիի անձնական կայքը, որը հրապարակել էր նրա հայտարարությունը, շարքից դուրս եկավ ու անհասանելի դարձավ բոլորին համար:
Արթին Առաքելյան
«Առաջին» Լրատվական
0 Պատգամ:
Post a Comment