Wednesday, June 01, 2011
Artin Arakelian
Իրանական ISNA գործակալության հաղորդմամբ, ՀՀ էներգետիկայի նախարար Արմեն Մովսիսյանը մայիսի 31-ին հանդիպել է Իրանի նախագահ Մահմուդ Ահմադինեժադին:
Հանդիպման ընթացքում Ահմադինեժադը, անդրադառնալով Իրան-Հայաստան բարիդրացիական հարաբերություններին, հայտարարել է. «Իրանն ու Հայաստանը հարևան երկրներն են, և հարևանությունն էլ մի տեսակ հարաբերություն է, որ հնարավոր չէ ոչնչացնել: Իրանն ու Հայաստանը պատմական և մշակությային խոր հարաբերություններ ունեն միմյանց հետ, և երկու ազգերն իրենց միջև ոչ մի տարածություն և անջրպետ չեն զգում»։
Անդրադառնալով Հայաստան կատարելիք իր այցելությանը՝ Ահմադինեժադն ասել է. «Հույս ունեմ, որ այս այցելության ընթացքում երկու երկրների հարաբերությունները սերտացնելու նպատակով դրական որոշումներ կկայացնենք:
Իրանը Հայաստանի հետ առավելագույն հարաբերություններ զարգացնելու համար սահմանափակումներ չունի, և ես անգամ իմ պետական գործընկերներին հանձնարարել եմ, որ երկկողմ հարաբերությունները շատ ավելի դյուրին դարձնեն»։
Արմեն Մովսիսյանն էլ իր հերթին հայտարարել է, որ երկու երկրների միջև կնքված և իրականացվող պայմանագրերը ոչ միայն օգուտ են Իրանին ու Հայաստանին, այլև նպաստում են ողջ տարածաշրջանի զարգացման գործընթացներին»։
Արթին Առաքելյան
«Առաջին» Լրատվական
0 Պատգամ:
Post a Comment