Wednesday, June 01, 2011

Իրանում կանանց իրավունքների ակտիվիստին սպանել են հոր հուղարկավորության ժամանակ

Իրանական JARAS լրատվական կայքի հաղորդմամբ, Իրանի անվտանգության ծառայությունները, իրանցի հանրահայտ ակտիվիստ Հալե Սահաբիին սպանել են իր հոր՝ Իրանի հանրահայտ քաղաքական գործիչ Էզաթոլլահ Սահաբիի հուղարավորության ժամանակ:

Կայքի փոխանցմամբ, անվտանգության ծառայությունները բազմիցս փորձել են կասեցնել ու այլ վայր տեղափոխել Էզաթոլլահ Սահաբիի հուղարկավորության արարողությունը, որովհետև մտահոգություն կար, որ նրա հուղարկավորությունը վերածվելու է ռեֆորմիստների հերթական բողոքի ակցիայի:

Իսկ 55-ամյա Հալե Սահաբին, որը արդեն երկու տարի է՝ ինչ գտնվում էր բանտում, հոր հուղարկավորության շքախմբի առջևից գնալիս հանդիպել է անվտանգության ծառայությունների կողմից ստեղծված արգելապատնեշին, ու երբ փորձել է բողոքել և ճամփա բացել իր հանգուցյալ հոր հուղարկավորության շքախմբի համար, բախվել է անվտանգության ծառայությունների հետ և զոհվել իր իսկ հոր հուղարկավորության արարողության ժամանակ:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը