Wednesday, June 01, 2011
Artin Arakelian
BBC հեռուստաընկերության պարսկերեն ծառայության հաղորդմամբ՝ Բոլիվիայի իշխանությունները երկրի պաշտպանության նախարարության կողմից Իրանի պաշտպանության նախարար Ահմադ Վահիդիին Բոլիվիա հրավիրելու կապակցությամբ ներողություն են խնդրել Արգենտինայի իշխանություններից և Արգենտինայի ԱԳ նախարարությանը հղած նամակում հայտարարել են, որ Բոլիվիայի իշխանությունները բոլոր միջոցները օգտագործելու են, որ Իրանի պաշտպանության նախարարը շուտափույթ հեռանա Բոլիվիայից:
Արգենտինայի իշխանությունները միջազգային իրավապահ մարմիններից պահանջում են, որ ձերբակալեն Բուենոս Այրեսում հրեական կենտրոնի պայթյունի գործում մեղադրվող իրանցի պետական պաշտոնյաներին: Կասկածյալների թվում է նաև Իրանի պաշտպանության նախարար Ահմադ Վահիդին:
Բոլիվիայի ԱԳ նախարարը արգենտինացի իր գործընկերոջը գրած նամակում ներողություն է խնդրել Իրանի պաշտպանության նախարարին իր երկիր հրավիրելու կապակցությամբ, նաև հայտարարել է, որ իրենց պաշտպանության նախարարությունը տեղեկացված չի եղել, թե Իրանի պաշտպանության նախարարը հետապնդվում է միջազգային իրավապահ մարմինների կողմից, և անգամ նրան Բոլիվիա հրավիրելու մասին չի խորհրդակցել պետական այլ մարմինների հետ:
Հրապարակված լուրերի համաձայն, Իրանի պաշտպանության նախարար Ահմադ Վահիդին երեքշաբթի՝ մայիսի 31-ին, հեռացել է Բոլիվիայից:
Արթին Առաքելյան
«Առաջին» Լրատվական
0 Պատգամ:
Post a Comment