Friday, May 06, 2011
Artin Arakelian
Իրանական Mehr գործակալության հաղորդմամբ, Իրանի խորհրդարանի պատգամավորները կրկին շրջանառության մեջ են դրել երկրի նախագահ Մահմուդ Ահմադինեժադին խորհրդարանում հարցաքննելու պահանջագիրը:
Ըստ գործակալության՝ խորհրդարանի 90 պատգամավորներ արդեն ստորագրել են հիշյալ պահանջագիրը:
Mehr գործակալությունը հայտնում է, որ, Իրանի սահմանադրության համաձայն, եթե խորհրդարանի պատգամավորների 1/4-ը պահանջի նախագահի հարցաքննությունը, նա պարտավոր է ներկայանալ խորհրդարան: Այս պահին Իրանի խորհրդարանը 290 պատգամավոր ունի, ուստի 73 պատգամավորի ստորագրությունն էլ բավարար է, որ երկրի նախագահի հարցաքննությունը հայտնվի օրակարգում:
Ահմադինեժադի թիմակիցներին պատկանող Tamasha News լրատվական կայքը մայիսի 5-ին հաղորդել է, որ խորհրդարանի ազդեցիկ պահպանողական պատգամավոր Մուհամադ Ռեզա Բահոնարը մի գործընթաց է սկսել, որով երկրի խորհրդարանում անմիջապես քննարկումներ պետք է ընթանան Ահմադինեժադի վստահության քվեի հարցով, և եթե խորհրդարանին չգոհացնեն նախագահի բացատրությունները, նրան զրկեն խորհրդարանի վստահության քվեից:
Tamasha News կայքը, դիմելով Բահոնարին, հայտարարել է. «Պատգամավորը թող կրակի հետ խաղ չանի, որովհետև դրա հետևանքները շատ դառն են լինելու բոլորի համար»։
Արթին Առաքելյան
«Առաջին» Լրատվական
0 Պատգամ:
Post a Comment