Friday, April 15, 2011
Artin Arakelian
CNN հեռուստաընկերության հաղորդմամբ, ԱՄՆ պետդեպարտամենտի խոսնակ Մարք Թոները հայտարարել է. «Վաշինգտոնը հստակ փաստեր ունի, որոնք ապացուցում են, որ Իրանի իշխանությունը սիրիացի ցուցարարներին ճնշելու գործում գաղտի օժանդակություն է ցուցաբերում Սիրիայի իշխանությանը: Իրանը գաղտի կերպով սիրիական կողմին տրամադրում է սարքեր, որոնց միջոցով հնարավոր է ֆիլտրել լրատվական կայքերը, գաղտնալսել բջջային կապերը, էլեկտրոնային նամակներն ու հաղորդագրությունները»։
Ամերիկացի պաշտոնյաների մատուցմամբ, Սիրիայի կառավարությունը նույն կերպ է վարվում ցուցարարների հետ, ինչպես Իրանն էր վարվում 2009-ի ժողովրդական ցույցերի ընթացքում:
Պենտագոնի նախկին տեղեկատվական փորձագետ Մայքլ Ռուբինը նշել է. «Իրանի որդեգրած մարտավարություններից մեկն այն էր, որ ցույցերի ընթացքում խուսափում էին ձերբակալել ակտիվիստներին, այլ լուսանկարում էին և մի քանի շաբաթ անց, գիշերով ներխուժում էին նրանց բնակարաններն ու ձերբակալում: Հավանաբար, Իրանի իշխանությունները նմանօրինակ փորձառություններն են տրամադրում սիրիացիներին։
ՄԱԿ-ում իրանցի մի դիվանագետ, որը բացահայտվել չի ցանկացել, հայտարարել է, որ նման մեղադրանքները չեն համապատասխանում իրականությանը, և ԱՄՆ-ը փորձում է նմանօրինակ մեղադրանքներ ներկայացնելով՝ միջազգային հանրության առաջ վարկաբեկել Իրանի և Սիրիայի իշխանություններին:
Արթին Առաքելյան
«Առաջին» Լրատվական
0 Պատգամ:
Post a Comment