Monday, June 06, 2011

Իրանի նախագահի խորհրդականը սպառնաց կառավարության ղեկավարին

Իրանական Khabar օրաթերթի փոխանցմամբ, Իրանի նախագահ Մահմուդ Ահմադինեժադի անվտանգության հարցերով խորհրդական և խորհրդարանի ազդեցիկ պատգամավոր Ռուհոլլահ Հուսեյնիանը Իսլամական հանրապետության հիմնադիր Իմամ Խոմեյնիի մահվան տարելիցի առիթով Թեհրանի մզկիթներից մեկում հայտարարել է. «Ով աշխատում է հանուն իր խմբի, զրկանքի համը ճաշակելու է»։

Հուսեյնիանը, անդրադառնալով Իրանի նախկին երեք նախագահների ճակատագրին, ավելացրել է. «Նախկին երեք նախագահներն էլ փորձեցին այնպես անել, որ իրենց նախագահության շրջանի ավարտից հետո իրենց ընկերներն ու բարեկամները ղեկավար դիրքի հասնեն: Այդ պատճառով էլ Աստված նրանց պատժեց ու բոլորի առջև նվաստացրեց:

Այսօր էլ, եթե ոմանք աշխատեն իրենց խմբի օգտին միայն, զրկանքի համը ճաշակելու են, և ինչպես որ Աստծո խոսքն է ասում՝ ով հավիտենականության համար է ջանք թափում, Աստված էլ նրա անձնական ու ընտանեկան գաղտնիքներն է բացահայտելու բոլորին»։

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը