Tuesday, January 11, 2011
Artin Arakelian
Ըստ իրանական լրատվամիջոցների, «Իրանի ազատության շարժում» կուսակցության երիտասարդական թևի առաջնորդ Էմադ Բեհավարը դատապարտվեց 10 տարի ազատազրկման և 10 տարով էլ զրկվեց կուսակցական և լրատվական գործունեություն ծավալելու իրավունքից:
Նա վերջին 18 ամիսներին բազմիցս ձերբակալվել էր, իսկ 2010-ի մարտ ամսից մինչև օրս ազատազրկման մեջ է գտնվում:
Էմադ Բեհավարը մեղադրվել է ազգային անվտանգությունը խափանելու, համակարգի դեմ քարոզչություն ծավալելու և «Իրանի ազատության շարժմանը» անդամակցելու համար:
Բեհավարի մայրը՝ Թահերե Թահերիանը, հայտարարել է, որ իր որդու փաստաբանը միայն մեկ անգամ է կարողացել հանդիպել Էմադին, այն էլ՝ դատական նիստի գումարումից առաջ:
Արթին Առաքելյան
«Առաջին» Լրատվական
0 Պատգամ:
Post a Comment