Thursday, May 05, 2011

Ահմադինեժադը չի մասնակցել Այաթոլլահ Խամենեիի կողմից կազմակերպվող ավանդական միջոցառմանը

Իրանի նախագահ Մահմուդ Ահմադինեժադը հրաժարվել է մասնակցել իսլամի մարգարե Մուհամադի դստեր մահվան հիշատակին նվիրված միջոցառմանը, որը ավանդաբար կազմակերպվում է Իրանի առաջնորդ Այաթոլլահ Խամենեիի կողմից ու տեղի է ունենում հենց առաջնորդի նստավայրում:
Իրանի առաջնորդ Այաթոլլահ Խամենեիի լրատվական կայքում հրապարակված լուսանկարներն ապացուցում են, որ Ահմադինեժադը, հակառակ նախորդ տարիներին, չի մասնակցել հիշյալ միջոցառմանը:
Իրանական լրատվական կայքերի հաղորդմամբ, միջոցառման ընթացքում, Թեհրանի ուրբաթօրյա նամազի խոսնակներից Հոջաթոլիսլամ Սեդիղին իր ելույթի ընթացքում քննադատելով Իրանի նախագահի որդեգրած կեցվածքը` հայտարարել է. «Մենք նմանօրինակ կեցվածք չէինք սպասում այն մարդուց, որն ընտրությունների նախօրեին հայտարարում էր, թե նա առաջնորդակենտրոն գործիչ է և իր շտաբները մզկիթներում ու հոգևոր կենտրոններում են: Ես անգամ գիտեմ, որ Ահմադինեժադի ամենամոտ գործընկերներն էլ են դժգոհ ու բարկացած նրա վարքից:»

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը