Friday, March 04, 2011
Artin Arakelian
Իրանական IRNA գործակալության փոխանցմամբ, Իրանի նախագահ Մահմուդ Ահմադինեժադը, Լոռեստան նահանգում ժողովրդի հետ ունեցած հանդիպման ժամանակ անդրադառնալով տարածաշրջանում տեղի ունեցող իրադարձություններին, խիստ քննադատեց Արևմուտքի մտադրությունները, Լիբիայի վրա ռազմական հարձակում իրականացնելու ցանկությունը:
Ահմադինեժադը իր ելույթում հայտարարեց. «Այսօր՝ 10 տարի առաջ ու ԱՄՆ նախկին նախագահի տարիները չէ, երբ սեպտեմբերի 11-ի պատրվակով հարձակվեցիք Աֆղանստանի ու Իրաքի վրա: Եթե այս անգամ ռազմական հարձակում իրականացնեք Մերձավոր Արևելքի ու հյուսիսային Աֆրիկայի երկրների վրա, տարածաշրջանի ժողովուրդը ոտքի կելնեն ու ձեր զինվորների գերեզմանները կփորեն»:
Թեև օրեր առաջ Ահմադինեժադը քննադատեց նաև Լիբիայի առաջնորդ Քադաֆիին սեփական ժողովուրդին ոչնչացնելու ուղղությամբ, բայց նաև քննադատում է Արևմուտքի մտադրությունները Լիբիայի իրավիճակը ռազմական հարձակումով հանդարտեցնելու նպատակով:
Հարկ է նշել, որ այս պահին ԱՄՆ-ի մի քանի ռազմանավեր անցնելով Սուեզի ջրանցքը՝ գտնվում են Միջեգրական ծովում: Հատկանշական է, որ իրանական երկու ռազմանավերն էլ գտնվելով Միջերկրական ծովում և իրանական կողմը հայտարարել է, որ հիշյալ երկու ռազմանավերը երկիր վերադառնալու համար կրկին անցնելու են Սուեզի ջրանցքից: ԱՄՆ-ի ու Իրանի ռազմանավերի միաժամանակ Միջերկրական ծովում գտնվելը մտահոգում է որոշ փորձագետներին:
Արթին Առաքելյան
«Առաջին» Լրատվական
0 Պատգամ:
Post a Comment