Monday, March 21, 2011
Artin Arakelian
BBC հեռուստաընկերության պարսկերեն ծառայության հաղորդմամբ, չեղյալ է հայտարարվել Իրանի նախագահի գրասենյակի ղեկավար Էսֆանյար Ռահիր Մաշաիի ուղևորությունը ԱՄՆ:
Ինչպես արդեն տեղեկացրել էր «Առաջին լրատվականը», Ռահիմ Մաշաին մտադիր էր իրանական Նովրուզի առիթով մեկնել ԱՄՆ, որտեղ հանդիպելու էր ԱՄՆ-ում ապրող իրանցիների ու նաև մի շարք ամերիկացի պաշտոնյաների հետ:
Իրանական գործակալությունները հաղորդում են, որ Ռահիմ Մաշաիի ուղևորությունը չեղյալ է հայտարարվել, երբ պահպանողական քաղաքական և կրոնական գործիչները խիստ քննադատության են ենթարկել Իրանի նախագահի քայլերը:
Հարկ է ավելացնել, որ նույն ուժերի ճնշման հետևանքով Ահմադինեժադը նաև հրաժարվել է «Թախթ Ջամշիդում» իրականացնել իրանական Նովրուզի տոնակատարությունը, որին հրավիրված էին նաև մի շարք երկրների նախագահները: Ահմադինեժադի ընդդիմադիրները նրան այս պարագայում նմանեցրել են Իրանի վերջին շահի հետ, երբ վերջինս Իրանի թագավորության 2500-ամյակի առիթով շքեղ տոնախմբություն էր անցկացրել Աքեմենյան թագավորներին պատկանող «Թախթ Ջամշիդում»:
Արթին Առաքելյան
«Առաջին» Լրատվական
0 Պատգամ:
Post a Comment