Tuesday, March 15, 2011
Artin Arakelian
Իրանական Azadi News լրատվական կայքի փոխանցմամբ, Ադրբեջանի խորհրդարանի պատգամավոր Ֆազայել Աղամալին RTV հեռուստաընկերության հետ ունեցած զրույցի ընթացքում հայտարարել է. «Ես համոզված եմ, որ արաբական հեղափոխությունների ալիքը շուտով հասնելու է նաև Իրան: Դա բնական երևույթ է: Այս իրավիճակում Իրանի իշխանությունները մեծ դժվարություն կունենան հեղափոխությունների ալիքը կասեցնելու գործում, այդ իսկ պատճառով էլ մտահոգված են»:
Ադրբեջանի խորհրդարանի մի այլ պատգամավոր Զահեդ Օրուջն էլ, անդրադառնալով արաբական հեղափոխություններին, հայտարարել է. «Ժամանակի ընթացքում, հեղափոխությունները հասնելու են Իրանին, և դա սեփական քաղաքացիների դեմ Իրանի իշխանությունների որդեգրած ոչ ժողովրդավարական ընթացքի պատճառով է լինելու»:
Հարկ է նշել, որ վերջին ամիսների ընթացքում Իրանի ու Ադրբեջանի պետական ու գիտական պաշտոնյաները բազմիցս հայտարարում են, թե իրենց երկիրը զերծ է մնալու հեղափոխություններից, իսկ մյուսի երկրում մեծ հավանականությամբ հեղափոխություն է տեղի ունենալու:
Ստացվում է, որ արաբական երկրներում տեղի ունեցած իրադարձությունները քաղաքական վեճերի նոր միջոց են դարձել թե՛ Իրանում և թե՛ Ադրբեջանում:
Արթին Առաքելյան
«Առաջին» Լրատվական
0 Պատգամ:
Post a Comment