Monday, January 10, 2011
Artin Arakelian
Իրանական «Ֆարս» գործակալության հաղորդմամբ, Իրանի անվտանգության ծառայությունները հայտարարել են, որ անցյալ տարի ահաբեկված իրանցի միջուկային փորձագետ Մասուդ Ալիմուհամադիի գործով ձերբակալել է իսրայելական լրտեսական ու ահաբեկչական մի ցանց, որն աշխատում էր Իսրայելի «Մոսադ»-ի հետ:
Անվտանգության ծառայությունների հրապարակած հայտարարության մեջ ասվում է. «Իրանի միջուկային փորձագետ Մասուդ Ալիմուհամադիի ահաբեկության տարելիցին Իրանի անվտանգության ծառայություններին հաջողվել է, երկար աշխատանքներից հետո, ի վերջո ձերբակալել հիշյալ ահաբեկչության գործողության հեղինակներին: Անվտանգության ծառայությունների տքնաջան աշխատանքի արդյունքում հաջողվել է ոչնչացնել իսրայելական «Մոսադ»-ի համար աշխատող լրտեսների ու ահաբեկիչների ցանցը և դրանով ծանր հարված հասցնել Իսրայելի գաղտնի ծառայություններին: Ապացույցեր կան, որ «Մոսադ»-ի լրտեսներն ու ահաբեկիչները եվրոպական և Իրանի հարևանությամբ գտնվող որոշ երկրներում տեղակայված՝ ահաբեկչական ու լրտեսական մի շարք գործողություններ են իրականացրել:
Իրանի անվտանգության ծառայություններին հաջողվել է նաև իրանցի միջուկային փորձագետների սպանության առնչությամբ ձեռք բերել մի շարք այլ գաղտի տեղեկություններ, որոնք հարկ եղած ժամանակ կհրապարակվեն ժողովրդին իրազեկ դարձնելու նպատակով»։
Արթին Առաքելյան
«Առաջին» Լրատվական
0 Պատգամ:
Post a Comment