Monday, August 15, 2011

Իրանի նախկին նախագահ Խաթամիին փորձում են կարգալույծ անել


Իրանական Entekhab լրատվական կայքի հաղորդմամբ՝ Իրանի պահպանողական շրջանակները հայտարարել են, որ մի շարք ռեֆորմիստ հոգևորականների, այդ թվում՝ Իրանի նախկին նախագահ Խաթամիին կարգալույծ անելու նախագիծը ծրագրվել է և ընթացքի մեջ է:

Կայքը հայտնում է, որ, հիշյալ նախագծի համաձայն, ռեֆորմիստ այն հոգևորականները, որոնք համագործակցել են դավադիրների հետ, կարգալույծ կարվեն: 

Ըստ այդ նախագծի՝ կարգալուծման շեմին կանգնած հոգևորականներն են Իրանի նախկին նախագահ Խաթամին, Մաջիդ Անսարին, Ասադոլլահ Բայաթը, Մուհամադ Ալի Աբթահին, Մուսավի Լառին և Մուսավի Խոինիհան:

Իրանի հոգևորականների դատարանն ու մեղադրվող հոգևորականները դեռ չեն արձագանքել հրապարակված լուրին:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը